શાલિની અગ્રવાલે વડોદરા મ્યુનિસપિલ કમિશ્નર તરીકેનો ચાર્જ સંભાળયો

વડોદરાઃ શહેરના મ્યુનિસિપલ કમિશ્નર અજય ભાદુની દિલ્હી ખાતે રાષ્ટ્રપતિના અગ્ર સચિવ તરીકે બદલી થતા વડોદરા મ્યુનિસિપલ કમિશ્નરની જવાબદારીનો ચાર્જ હાલ વડોદરા જિલ્લા કલેકટર શાલિની અગ્રવાલે સંભાળ્યો છે. શાલિની અગ્રવાલે વધારાનો મ્યુનિસિપલ કમિશ્નરનો ચાર્જ સંભાળ્યો હતો. અને તેમની અધ્યક્ષતામાં એક રીવ્યુ બેઠકનું આયોજન કરવામાં આવ્યું હતું.

વડોદરાના મ્યુનિસિપલ કમિશ્નરનો વધારાનો ચાર્જ સંભાળ્યા બાદ મ્યુનિસિપલ કમિશનર શાલિની અગ્રવાલે તમામ વિભાગના ઉચ્ચ અધિકારીઓ સાથે બેઠક યોજી હતી. શહેરની પરિસ્થિતિનો ચિતાર મેળવ્યો હતો. જો કે, આ બેઠકમાં તમામ ડેપ્યુટી કમિશનર, તમામ વિભાગના એચઓડી અને ડાયરેક્ટરો હાજર રહ્યા હતા. મ્યુનિસિપલ કમિશ્નરની અધ્યક્ષતામાં મળેલ રીવ્યુ બેઠકમાં શહેરમાં પાણી, રોડ અને ગટરની સમસ્યા અંગે ચર્ચા કરવામાં આવી હતી અને બાકીના કામોની ચર્ચા કરવામાં આવી હતી.