મળતી માહિતી મુજબ શહેરના વડસર બ્રીજ પાસે કેનેરા બેંક છે, તેની નજીક જ બેંકનું એ.ટી.એમ. સેન્ટર છે. રાત્રીના સમયે અંધારાનો લાભ લઈ ત્રાટકેલા બુકાનીધારી તસ્કરોએ સીસીટીવી કેમેરા પર કાળા રંગનો સ્પ્રે કરીને કેશબોક્ષ તોડવાનો પ્રયાસ કર્યો હતો. પરંતુ તેઓ સફળ થયા ન હતા. જોકે આ સમગ્ર બનાવની જાણ બેંક મેનેજરને થતાં તેમને આ અંગે માંજલપુર પોલીસ સ્ટેશનમાં ફરિયાદ નોંધાવી છે.
તસ્કરો એ.ટી.એમ. સેન્ટરમાંથી રોકડ કેશ લઈ જવામાં સફળ રહ્યા ન હતા. પરંતુ તેઓએ એ.ટી.એમ. સેન્ટરને ટાર્ગેટ કરી નુકશાન પહોંચાડયું હતુ. જો કે હાલ આ સમગ્ર મામલે પોલીસે વધુ તપાસ હાથ ધરી છે.
