અમરનાથયાત્રાએ ગયેલાં વડોદરાના બે શિવભક્તોનું મોત

વડોદરાઃ સમગ્ર ગુજરાતમાંથી ભક્તો અમરનાથયાત્રાએ જઈ રહ્યા છે. ત્યારે યાત્રાએ ગયેલા શ્રદ્ધાળુઓમાંથી બે યાત્રિકોના મોત થયા છે. આ ભક્તો વડોદરાના બે ભક્તો પણ સામેલ હતાં. જેમના મોત થયા છે, જેને લઈ પરિવારમાં શોકની લાગણી છવાઈ છે. બંનેના મૃતદેહને હવાઈમાર્ગે વડોદરા લાવવાની તજવીજ ચાલી રહી છે.

વડોદરા જિલ્લાના તરસાલીના શિવભક્ત રસીક પટેલનું હૃદયરોગથી તેમજ વડોદરા શહેરનાં અંકિત ચોક્સીનું બ્રેન હેમરેજથી યાત્રા દરમિયાન મોત થયુ હતું. ઘટનાની જાણ તેમના પરિવારજનોને થતાં શોકનો માહોલ છવાયો છે. હાલમાં બંને મૃતદેહોને હવાઈમાર્ગ દ્વાર અમરનાથ તિર્થસ્થળથી વડોદરા લાવવાની તજવીજ શરુ કરાઈ છે.