લ્યો બોલો, હવે વડોદરામાં ભૂલકાઓ કચરાના ઢગ પાસે ભણશે..!

વડોદરાઃ રાજ્યમાં સરકાર દ્વારા બાળકોમાં ડ્રોપ રેસ્યો ઘટે તે માટે અનેકો પ્રયાસો કરી રહી છે. પરંતુ, શિક્ષણ વિભાગની ઇચ્છાશક્તિના અભાવે હવે રાજ્યમાં સરકારી શાળાઓને બંધ અથવા મર્જ કરવાની પરિસ્થિતી ઉદ્ભવી છે.

વડોદરા શહેરમાં નંદ ઘર કચરાના ઢગ પાસે મુકવામાં આવ્યું હોવાનું પ્રકાશમાં આવ્યું હતું. કચરાના ઢગ વચ્ચે બાળકો ભણવા માટે મજબૂર બન્યા છે.જો કે, હાલ બાળકો નજીકની એક સોસાયટીના મકાનમાં ભણવા માટે જતા હોવાની માહિતી પ્રકાશમાં આવી હતી. આ નંદ ઘરમાં આસપાસના ઝૂંપડપટ્ટીના વિદ્યાર્થીઓ અભ્યાસ માટે આવે છે. જો કે, આ નંદ ઘરને ત્યાંથી હટાવીને નજીક આવેલ કચરાના ઢગ પાસે મૂકી દેવામાં આવતા સ્થાનિક લોકોમાં નારાઝગી જોવા મળી રહી છે.