વડોદરા: નિઝામુદિન કેન્દ્રમાં મરકજ નામના ધાર્મિક પ્રસંગે દેશ-વિદેશના હજારો લોકો એકઠાં થયા હતા. જેમાંથી કોરાના સંક્રમણનો ભોગ બનેલા અનેક લોકો પોતાના વતનમાં પહોંચી ગયા છે. વડોદરામાંથી કોઈ ગયું હતું કે કેમ ? તેની શોધખોળ કરવા પોલીસ દોડતી થઈ છે.
પોલીસને માહિતી મળી હતી કે, ડભોઇના રામટેકરી વિસ્તારનો સલમાન અયુબભાઈ મન્સુરી નિઝામુદ્દીન ખાતે આયોજીત કાર્યક્રમમાં હાજરી આપવા છેલ્લા 40 દિવસથી ગયો હતો. તે હરિયાણાથી ટ્રકમાં બેસી મંગળવારે રાત્રે દરજીપૂરા આવી પહોંચતા ડભોઈના બે મિત્રો તૌફિક ગુલામ મન્સુરી અને ઇમરાન દિલાવર મન્સુરી તેને લેવા આવ્યા હતા. વેગા ચોકડી પાસે ડભોઈ પોલીસે તેમની અટકાયત કરી ડોક્ટર્સ ટીમ બોલવી ત્રણેયને આઈસોલેશનમાં લઈ જવાની તજવીજ હાથ ધરી હતી.
