વડોદરાઃ કોરોના વાયરસને કારણે ચીનનું વુહાન સિટી લોકડાઉન કરી દેવાયું છે. જેમાં અભ્યાસ અર્થે ગયેલા વડોદરાના સહિત 20થી વધુ ગુજરાતી વિદ્યાર્થીઓ ચીનના વુહાન સિટીમાં ફસાયા છે. હાલ, કોરોના વાયરસને કારણે તંત્ર એક્શનમાં આવ્યું છે, ત્યારે ગુજરાત સરકારના આદેશ બાદ WHOની ગાઈડ લાઈન પ્રમાણે જિલ્લાના તમામ ડોક્ટરો, એરપોર્ટ ઓથોરિટી અને કોર્પોરેશન સહિતના ડોક્ટરોની સૌપ્રથમ એક કોન્ફ્રોરન્સ યોજાઈ હતી. જેમાં 2 કલાક કોરોનાવાયરસ મુદ્દે વિસ્તૃત ચર્ચા કરી એક રણનીતિ ઘડવામાં આવી હતી.
આ અંગે વડોદરાની સૌથી મોટી એસ.એસ.જી. હોસ્પિટલમાં કોરોનાવાયરસ માટેના દર્દીઓ માટે એક ખાસ આઈસોલેશન વોર્ડ ઉભો કરવામાં આવ્યો છે. જેમાં બધી સુવિધાવો જેવી કે, વેન્ટિલેટર, એક્સરે મશીન, સોનોગ્રાફી મશીનની સાથે સાથે તમામ દવાઓનો સ્ટોક રાખવામાં આવ્યો છે. ઈન્ફ્રાસ્ટ્રક્ચરની સાથે રાઉન્ડ ધી ક્લોક ડોક્ટરો, અને સિસ્ટરોની ડ્યુટી કરવામાં આવી છે. જે સતત ફરજ પર હાજર રહેશે.
હાલમાં કોરોનો વાયરસનો એક પણ કેસ એસ.એસ.જી.હોસ્પિટલમાં નોંધાયો નથી અને જો કોઈપણ કોરોનો વાયરસ કેશ આવશે તો એસ.એસ.જીનું હેલ્થ સિસ્ટમ સારવાર માટે સજ્જ હોવાનું એસ.એસ.જીના સુપરિટેન્ડન્ટ ડો,રાજીવ દેવેશ્વરે પત્રકારોની સાથે વાતચીતમાં જણાવ્યું હતું.
