મળતી માહિતી મુજબ, પ્લેટફોર્મ નંબર-6 પાસેની દીવાલની પાળી પરથી યુવકનો મૃતદેહ મળી આવ્યો હતો. મૃતદેહ જોતા અજાણ્યા યુવકની હત્યા કરાઈ હોવાની આશંકા સેવાઈ રહી છે. જો કે, મૃતદેહને માથાના ભાગે કોઈ બોથડ પર્દાથ વડે ઘા કરાયો હોવાનું પ્રાથમિક તબક્કે જણાઈ આવ્યું હતું.
વડોદરા રેલવે સ્ટેશન ખાતે પ્લેટફોર્મમાં દિવાલની પાળી પર મૃતદેહ મળી આવતા ચકચાર
જો કે, દીવાલ પર માથું અથડાયું હોવાથી દીવાલ પર લોહીના ડાધા પણ મળી આવ્યા હતા. આ ઘટનાની જાણ થતાની સાથે જ વડોદરા રેલવે પોલીસ ઘટના સ્થળે દોડી આવી હતી. ત્યારબાદ મૃતદેહનો કબજો કરી પોસ્ટમોર્ટમ અર્થે શહેરની એસ એસ જી હોસ્પિટલ ખાતે મોકલવામાં આવ્યો હતો. સમગ્ર ઘટનાને પગલે પોલિસે વધુ તપાસ હાથ ધરી હતી.
