સાવલીમાં ગાંધી જયંતિની ઉજવણી, કચરાપેટીનું કરાયું વિતરણ

વડોદરાઃ સાવલીમાં ગાંધીજીની 150મી જન્મજયંતિ નિમિત્તે સ્વચ્છતા અભિયાન અંતર્ગત જ્યૂબીલેન્ટ કંપની દ્વારા ધારાસભ્યની અધ્યક્ષતામાં કચરાપેટીનું વિતરણ કરાયું હતુ,

વડોદરા જિલ્લાના સાવલીમાં સાવલી કરચિયા રોડ પર આવેલી જ્યૂબીલેન્ટ કંપની દ્વારા સ્વચ્છતાના આગ્રહી ગાંધીજીની 150મી જન્મજયંતી ઉજવણી કરાઈ છે. આ પ્રસંગે સ્થાનિક ધારાસભ્ય કેતનભાઈ ઇનામદારની અધ્યક્ષતામાં સાવલી નગરના વિસ્તારમાં સ્વચ્છતાની જાળવણી માટે કચરાપેટીનું વિતરણ કરાયું હતુ. વડાપ્રધાન નરેન્દ્ર મોદીના સિંગલ યુઝ પ્લાસ્ટીકની થેલીઓનું વપરાશ બંધ થાય તે હેતુથી ફ્રુટની લારીઓ અને દુકાનદારોને કાપડની થેલીઓનું વિતરણ કરાયુ હતુ.

આ પ્રસંગે ધારાસભ્ય કેતન ઇનામદારે કંપની મેનેજમેન્ટનો સમાજઉપયોગી પ્રવુતિ બદલ આભાર વ્યક્ત કર્યો હતો, જ્યારે કંપની વહીવટદારોએ સાવલી એસટી સ્ટેન્ડમાં લોકઉપયોગી મુસાફરોને પીવાના સ્વચ્છ પાણી માટે આર.ઓ., અને કુલિંગ વાળું ઠડા પાણીની વ્યવસ્થા કરાવવાની ધારાસભ્યની માંગણી સ્વીકારી ટુંક સમયમાં વ્યવસ્થા કરાવી આપવાનું આશ્વાસન આપ્યું હતું.