સુરત અને તાપી જિલ્લામાં ઓક્સિજનની અછત ન સર્જાય તે માટે ઉભા કરવામાં આવશે પ્લાન્ટ
ટ્રસ્ટ સંચાલિત હોસ્પિટલમાં સહકારી મંડળીઓએ આપ્યા 21-21 લાખ
કોવિડ19ની મહામારીમાં ઓક્સિજનની ભારે અછત
સુરત: જિલ્લાની હોસ્પિટલોમાં ઓક્સિજન પ્લાન્ટ ન હોવાથી અન્ય જગ્યાઓથી ઓક્સિજન લેવું પડ્યું હતું ત્યારે જિલ્લામાં ઓક્સિજનની જરૂર પડે તો કોઈ પાસે હાથ લાંબા ન કરવા પડે તે માટે સુરત અને તાપી જિલ્લાની સહકારી સંસ્થાઓ દ્વારા સુરત જિલ્લામાં ટ્રસ્ટ સંચાલિત મોટી હોસ્પિટલમાં ઓક્સિજન પ્લાન્ટ માટે સહાય કરવામાં આવી હતી, કીમ ખાતે આવેલી સાધના હોસ્પિટલમાં રૂ. 21 લાખ તેમજ સાયણ ખાતે આવેલ જીવનરક્ષા હોસ્પિટલમાં 21 લાખનો સહાય ચેક આપવામાં આવ્યો હતો,આ સહાય ચેક અર્પણ પ્રસંગમાં સુરત સુમલના ચેરમેન માનસિંગ પટેલ,ઓલપાડના ધારાસભ્ય મુકેશ પટેલ,સુરત સાંસદ દર્શના જરદોષ તેમજ અનેક રાજકીય, સહકારી આગેવાનો હાજર રહ્યા હતા.
