તાપી જિલ્લો જંગલોથી ઘેરાયેલો વિસ્તાર છે અને અહીં વન્ય પ્રાણીઓ દેખાવા તે ખૂબ સામાન્ય બાબત છે. વાત કરીએ વાલોડ તાલુકાના પેલાદ બુહારી ગામની તો આ ગામમાં છેલ્લા 1 મહિના દરમિયાન 3 જેટલા દીપડા પાંજરે પુરાયા છે. આ જ ગામની બાજુમાં આવેલા ગાંગપુર ગામના ખોડીયાર ફળિયાના શશીકાંત પટેલના ઘરના બાજુમાંથી 5 દિવસ અગાઉ 3 મરઘીનો શિકાર થયો હતો. જેની જાણ શશીકાંતભાઈએ બારડોલીના ફ્રેન્ડ્સ ઓફ એનિમલ વેલ્ફેર ટ્રષ્ટના પ્રમુખ જાતિનભાઈને કરતા તેમણે વ્યારા વનવિભાગને પાંજરુ મુકવા જણાવ્યું હતું.
ફરી એકવાર દીપડો પાંજરે પુરાયો
બુધવારે વહેલી સવારે વનવિભાગે મુકેલા પાંજરામાં 6 વર્ષીય કદાવર દીપડો પાંજરે પુરાયો હતો. આ દીપડાનો કબજો વાલોડ વનવિભાગે લઈ પ્રાથમિક તપાસ કરાવી ડાંગના જંગલમાં રાત્રે છોડી દેવામાં આવશે.
