- શિક્ષણ સહાયક ભરતી -2021 હેઠળ 2938
- વિડીયો કોન્ફરન્સ દ્વારા ઓફર લેટર એનાયત કરવામાં આવ્યો
- મુખ્ય પ્રધાને આપી શુભેચ્છા
તાપી: ગુજરાતના મુખ્યમંત્રી વિજય રૂપાણી (Chief Minister Vijay Rupani)ના અધ્યક્ષ સ્થાને બિન સરકારી અનુદાનિત ઉચ્ચતર માધ્યમિક શાળાઓમાં શિક્ષણ સહાયક ભરતી -2021 અંતર્ગત પસંદગી પામેલા વિવિધ જિલ્લાના કુલ- 2938 ઉમેદવારોને નિમણુંક હુકમ એનાયત કરવાનો કાર્યક્રમ વિડિયો કોન્ફરન્સ મારફતે યોજવામાં આવ્યો હતો. જે અન્વયે તાપી જિલ્લામાં કલેકટર કચેરીના મીટીંગ હોલ અને દક્ષિણાપથ વિવિધલક્ષી વિદ્યાલય, વ્યારા ખાતે કુલ-48 શિક્ષકોને ક્લેકટર આર.જે.હાલાણીએ નિમણુંકપત્ર આપી શુભેચ્છાઓ પાઠવી હતી.
ઉત્સાહમાં કર્યો વધારો
ઉચ્ચતર માધ્યમિક શાળાઓમાં પસંદગી પામેલા 2938 ઉમેદવારો પૈકી તેમના પ્રતિનિધી સ્વરૂપે ગાંધીનગર જિલ્લામાં પસંદગી પામેલા 5 ઉમેદવારોને મુખ્ય પ્રધાન વિજય રૂપાણીએ નિમણુંક પત્ર એનાયત કરી રાજ્યભરના નવનિયુક્ત શિક્ષકોને વિડિયો કોન્ફરન્સના માધ્યમથી પ્રેરણદાયી ઉદબોધન કર્યુ હતુ. જિલ્લા સેવા સદનના મીટીંગ હોલ અને દક્ષિણાપથ વિવિધલક્ષી વિદ્યાલયમાં આયોજિત આ કાર્યક્રમ અંતર્ગત કલેક્ટરએ નિમણૂંક પામેલ શિક્ષકોને પ્રાસંગિક ઉદબોધન કરી અભિનંદન પાઠવી તેમના ઉત્સાહમાં વધારો કર્યો હતો.
આ પણ વાંચો : બોટાદમાં 17 ઉમેદવારોની શિક્ષક સહાયક તરીકે ભરતી
એક શિક્ષકનુ સ્થાન
તેમણે જણાવ્યું હતું કે, ગુજરાત સરકાર દ્વારા પારદર્શી સરકાર અને ફેસલેસ સરકારના અભિયાન હેઠળ મેરિટના આધારે ભરતી પ્રકિયા યોજી આપ સૌની નિયુક્તિ કરવામાં આવી છે. ભારતીય સંસ્કૃતિમાં માતાપિતા અને ભગવાનથી પણ ઉચું સ્થાન એક શિક્ષક્નું હોય છે. તેમ જણાવી આ સ્થાનની મહત્તા પોતાના સેવાકાર્ય થકી જાળવી રાખવા જણાવ્યું હતું.
આ પણ વાંચો : શિક્ષકોએ કોરોનામા ડ્યુટી કરવા બદલ માનદ વેતન અને વળતર રજાની કરી માંગણી
