તાપી: આદિવાસી સમાજ દ્વારા જિલ્લા કલેક્ટરને આવેદન

તાપી જિલ્લાના વ્યારા તાલુકાના ઢોંગી આંબાગામે આદિવાસીની ખેતીલાયક જમીનમાં મુસ્લિમ પરિવારો દ્વારા બીનખેતીનું કૃત્ય કરી ખોટી રીતે હેરાન કરી જમીન પચાવી પાડવાની ગેરકાયદેસરની પ્રવૃતિ હાય ઘરવામાં આવેલી હોવાથી ગામના ગરીબ અને અભત આદિવાસી હિન્દુ ભીલ પાસેથી મુસ્લિમો દ્વારા ખોટી રીતે જમીન હડપી લઈ ગેરકાયદેસરની પ્રવૃતિ કરવા બાબતે તાપી જિલ્લા કલેક્ટરને આવેદન આપ્યું હતું.

• વ્યારા તાલુકાના ઢોંગીઆંબા ગામે રહેતા આદિવાસીઓ દ્વારા કલેકટરને આવેદન પત્ર
• આદિવાસીની ખેતીલાયક જમીનમાં મુસ્લિમ પરિવારો દ્વારા બીનખેતીનું કૃત્ય
• મુસ્લિમ પરિવારો દ્વારા જંગલ ખાતાની જમીનોમાં પણ ગેરકાયદેસર ખોદકામ

તાપી: વ્યારા તાલુકાના ઢોંગીઆંબા ગામે રહેતા આદિવાસીઓ દ્વારા કલેકટરને આવેદન પત્ર આપતા જણાવાયું હતું કે, આદિવાસીઓની ભારતમાં ભારતીય બંધારણ હેઠળ હિતોનું રક્ષણ કરવામાં આવેલ છે. તેમ છત્તા અમારી માલીકીની મોજે ઢોંગી આંબા, ખાતા નં.116, બ્લોક/સર્વે નં. 17 વાળી મુળ આદિવાસીની ખેતીલાયક જમીનમાં મુસ્લિમ પરિવારો દ્વારા બીનખેતીનું કૃત્ય કરી ખોટી રીતે હેરાન કરી જમીન પચાવી પાડવાની ગેરકાયદેસરની પ્રવૃતિ હાથ ધરવામાં આવેલી છે તથા આ મુસ્લિમ પરિવારો દ્વારા જંગલ ખાતાની જમીનોમાં પણ ગેરકાયદેસર રીતે જમીન ખોદી કબર બનાવી ગેરકાયદેસરની પ્રવૃતિ કરવામાં આવી છે. જેમની સામે કડક પગલા ભરી અમારા આદિવાસીઓને અમારી જમીન પરત અપાવી આદિવાસી સંસ્કૃતિનું રક્ષણ કરવા તાત્કાલીક પગલા ભરશો. અને જો આ કાર્ય કરવામાં નહી આવે તો આદિવાસી દ્રારા અનશન આમરણ ઉપવાસ ઉપર ઉતરવામાં આવશે. એવી ચીમકી ઉચ્ચારી હતી

આ પણ વાંચો: ડીસામાં ખોટા દસ્તાવેજ કરી કરોડો રૂપિયાનું જમીન કૌભાંડ કરતા પોલીસ ફરિયાદ નોંધાઈ

મુસ્લિમો દ્વારા ખોટી રીતે જમીન હડપનો મુદ્દો

જ્યારે આ જ વિષય ને અનુરૂપ ભોળા આદિવાસી હિન્દુ ભીલ જનજાતીના લોકો પાસેથી મુસ્લિમો દ્વારા ખોટી રીતે જમીન હડપી લઈ જંગલ ખાતાની રક્ષીત જમીનોમાં કબર ખોદી ગેરકાયદેસરની પ્રવૃતિ કરતા હોવાથી તાપી જિલ્લા હિન્દુ જાગરણ મંચ દ્વારા કલેકટરને આવેદન આપ્યું હતું.

હિન્દુ જાગરણ મંચ દ્વારા જિલ્લા કલેક્ટરને આવેદનપત્ર

જેમાં હિન્દુ જાગરણ મંચ દ્વારા જિલ્લા કલેક્ટરને આવેદનપત્ર આપતા જણાવ્યું હતું કે, ભારતએ વિવિધતા વાળો દેશ છે. ભારતમાં દરેક વ્યક્તિને કાયદાની મર્યાદામાં રહી જીવન જીવવાની સ્વતંત્રતા આપવામાં આવેલી છે. ભારતમાં આદિવાસી પ્રજાને અન્યો દ્વારા તેઓની જમીન, સંસ્કૃતિ તથા પરિવેશથી હેરાન-પરેશાન કરવામાં ન આવે તે હેતુથી બંધારણમાં તેમના હિતોનું રક્ષણ કરવામાં આવેલ છે.

આ પણ વાંચો: સાંગનારામાં ગ્રામજનોએ ગૌચર જમીન પર પવનચક્કી લગાવવાના વિરોધમાં રેલી કાઢી

ગેરકાયેદસર મિલકતની કરવામાં નથી આવી કાર્યવાહી

ઢોંગી આંબાની જેમજ આગળ વ્યારા તાલુકાના ખુશાલપુરમાં આવોજ બનાવ આગળ આવી ચૂક્યો છે જેમાં ગૌચર જમીન પર બનાવામાં આવેલા ગેરકાયેદસર મિલકતને લઈ તંત્રએ હજુ સુધી કોઈ કાર્યવાહી કરેલ નથી. આમ તાપી જિલ્લાનાં ઘણા તાલુકાઓમાં ભોળા આદિવાસી સમાજ નો અવાજ દબાવીને અનેક જગ્યાએ ગેરકાયદસર આદિવાસીઓની જગ્યા પચાવી લુખ્ખા તત્વો રાજ કરતા જોવા મળી આવે છે. જંગલ ખાતાની જમીનોમાં ગેરકાયદેસર રીતે જમીન ખોદી કબર બનાવી ગેરકાયદેસરની પ્રવૃતિ કરતા હસે તો અમારા તરફ થી કાયદેસર ની કાર્યવાહી કરવામાં આવશે જેથી ઢોંગી આંબા રેજ ફોરેસ્ટ ઓફિસર ને તપાસ માટે જણાવશું.