નવી દિલ્હી : કેન્દ્રીય નાણા મંત્રી નિર્મલા સીતારમણ આજે સંસદમાં તેમનું સતત આઠમું બજેટ રજૂ કરશે. આ માટે તે સંસદ ભવન પહોંચ્યા હતા. બજેટ રજૂ કરતા પહેલા નિર્મલા સીતારમણ અને નાણા રાજ્યમંત્રી પંકજ ચૌધરી રાષ્ટ્રપતિ દ્રૌપદી મુર્મુને મળ્યા હતા. આ દરમિયાન રાષ્ટ્રપતિ મુર્મુએ નાણામંત્રીને પરંપરાગત 'દહીં-ખાંડ' ખવડાવ્યું હતું.
તમને જણાવી દઈએ કે, કેન્દ્રીય નાણા મંત્રી નિર્મલા સીતારમણ આજે સંસદમાં સામાન્ય બજેટ રજૂ કરવા માટે સંપૂર્ણપણે તૈયાર છે. તે પરંપરાગત 'વહી ખાતા'ને બદલે ટેબ દ્વારા બજેટ રજૂ કરશે અને વાંચશે. નાણામંત્રી સીતારમણે જુલાઈ 2019 માં બજેટ બ્રીફકેસ રાખવાની ઔપનિવેશિક પરંપરા તોડી હતી અને કેન્દ્રીય બજેટના દસ્તાવેજો લઈ જવા માટે પરંપરાગત 'વહી ખાતા'નો વિકલ્પ પસંદ કર્યો હતો.
#WATCH | President Droupadi Murmu feeds Union Finance Minister Nirmala Sitharaman the customary 'dahi-cheeni' (curd and sugar) ahead of her Budget presentation.
— ANI (@ANI) February 1, 2025
Union Finance Minister Nirmala Sitharaman will present her 8th consecutive #UnionBudget, today in Parliament
(Source… pic.twitter.com/jZz2dNh59O
મધ્યમ વર્ગમાં આશા
કેન્દ્રીય બજેટ 2025 'વિકસિત ભારત' ધ્યેય હેઠળ ભારતના ઉત્પાદન ક્ષેત્રને પ્રોત્સાહન આપવા પર ધ્યાન કેન્દ્રિત કરે તેવી આશા છે. બજેટ મધ્યમ વર્ગના કરવેરાનો બોજ ઘટાડવા અને નાણાકીય સંતુલન જાળવવા પર પણ ધ્યાન કેન્દ્રિત કરી શકે છે. આ ઉપરાંત, બજેટમાં ઉત્પાદન, માળખાગત સુવિધાઓ અને રોજગાર સર્જનમાં રોકાણ પર પણ ભાર મૂકવામાં આવી શકે છે. કસ્ટમ સુધારા, કૌશલ્ય વિકાસ અને કૃષિ મૂલ્ય શૃંખલા વધારવા માટેની પણ સંભાવના છે.
કેન્દ્રીય મંત્રી પ્રહલાદ જોશીનું નિવેદન
દરમિયાન, કેન્દ્રીય મંત્રી પ્રહલાદ જોશીએ જણાવ્યું હતું કે, જ્યારથી વડા પ્રધાન નરેન્દ્ર મોદીના નેતૃત્વમાં દેશની અર્થવ્યવસ્થા પર ધ્યાન આપવાનું શરૂ થયું છે, ત્યારથી અમે જન સમર્થક, ગરીબ સમર્થક, મધ્યમ વર્ગ સમર્થક બજેટ આપ્યું છે. આ વખતે પણ એવું જ થશે.
આ પણ વાંચો:
