સુરેન્દ્રનગર જિલ્લામાં વરસાદની આશાએ ખેડુતોએ વાવણી કરી નાખી છે. પરંતુ, વરસાદે દગો આપતાં ખેડુતો ચિંતાતુર બન્યા હતાં. જેને લઇને સરકારે ખેડુતોને રાહતના સમાચાર આપ્યા છે. સરકાર દ્રારા કેનાલમાંથી પાણી છોડાતા ખેડૂતોના પાકને નવુ જીવતદાન મળ્યુ છે. હાલ કેનાલમાં પાણી છોડાતા ખેડૂતો પણ ખુશી અનુભવી રહ્યા છે. આ બાબતે જીલ્લા ખેતીવાડી અધિકારી એચ.ડી.વાદી જણાવ્યું હતુ કે, સુરેન્દ્રનગર જીલ્લામાં કુલ વાવણી લાયક વિસ્તાર 641232 હેકટર છે.
સુરેન્દ્રનગરની કેનાલોમાં પાણી છોડાતા ખેતીને મળ્યુ જીવતદાન
જેમાંથી 3 લાખ 50હજાર હેક્ટરથી વધુ વિસ્તારમાં વાવેતર કરવામાં આવ્યુ છે. જેમાં કપાસ ,મગફળી, ધાસચારો, શાકભાજી સહીતના પાકોનું વાવેતર કરવામાં આવ્યુ છે. જેમાં પાટડી તાલુકામાંમા ઓછું વાવેતર છે અને સોથી વધારે વઢવાણ તાલુકામાં છે. તેમજ આગામી સમયમાં વરસાદને કારણે વાવેતર વધશે અને હજુ 10 દીવસ સુધી પાકને કોઈ સમસ્યા પડે તેમ નથી.
