સુરેન્દ્રનગરઃ હેન્ડલુમ રોડ પર આવેલા ક્રિષ્ના મોબાઇલ નામની દુકાનમાં વર્ષ 2018માં દુકાનની છત તોડી 5 મોબાઇલ અને એસેસરીઝ સહિત રૂપિયા 25 હજારના મુદ્દામાલની ચોરી થઇ હતી. આ અંગે એલસીબી ટીમે તપાસના ચક્રો ગતિમાન કરતા સોનાપુર રોડ પર રહેતા રવિ જયંતિભાઇ ચોવીસીયાએ ચોરી કરી અમદાવાદ નાસી ગયો હોવાની વિગત મળી હતી.
રવિ ચોવીસી હાલ સોલાપુર રોડ પર આવવાનો હોવાની બાતમી મળતા પીઆઇ ડી.એમ.ઢોલના માર્ગદર્શન હેઠળ એલસીબી ટીમે વોચ ગોઠવી હતી અને તે દરમિયાન રવિ ચોવીસી ત્યાંથી પસાર થતા પોલીસ ટીમે તેને દબોચી લીધો હતો અને તેની પાસેથી ચોરીના બે મોબાઇલ પણ કબજે કરી વધુ પૂછપરછ હાથ ધરી છે.
