સુરેન્દ્રનગરમાં ધામધુમથી ઉજવવામાં આવી અષાઢી બીજ

સુરેન્દ્રનગરઃ જિલ્લાના ધ્રાંગધ્રા, થાનગઢ અને પાટડી પંથકમાં અષાઢી બીજ નિમિત્તે વિશેષ શોભાયાત્રાનું આયોજન કરવામાં આવ્યું હતું. જેને ધ્યાનમાં રાખી સુરક્ષાના ભાગરૂપે પોલીસે ચુસ્ત બંદોબસ્ત ગોઠવ્યો હતો.

જિલ્લાના વિવિધ તાલુકા મથકો ઉપર પણ અષાઢી બીજ નિમિત્તે શોભાયાત્રા,મહાપ્રસાદ,યજ્ઞ,હોમ-હવન વિગેરે ધાર્મિક કાર્યક્રમો યોજાયા હતા. ઝાલાવાડની પ્રખ્યાત ધાર્મિક જગ્યા ઉપર પણ ભક્તોનું ઘોડાપૂર ઉમટયું હતું.

સુરેન્દ્રનગર શહેરમાં પણ રામદેવપીર મહારાજની શોભાયાત્રાનું આયોજન કરવામાં આવ્યુ હતુ. અબીલ ગુલાલ અને ડીજેના તાલે અષાઢી બીજને આગવી રીતે ઉજવવા લોકોમાં અનેરો ઉત્સાહ જોવા મળ્યો હતો.