Surat Rural Rain Update: ઉમરપાડા તાલુકામાં મેઘરાજા મહેરબાન, નદીનાળા છલકાયા

ઉમરપાડા તાલુકામાં સોમવારે મેઘરાજાએ તોફાની બેટિંગ કરી હતી. ગણતરીના કલાકોમાં 88MM વરસાદ વરસતા નદીનાળા ફરી જીવંત થયાં છે. જેના કારણે માંડવી ખાતેનો ગોળધા ડેમ ઓવરફ્લો થયો હતો.

• સુરત જિલ્લાના ચેરાપૂંજી ગણાતા ઉમરપાડામાં મેઘરાજા મહેરબાન
• 88MM વરસાદ વરસતા તાલુકાના નદીનાળા ફરી જીવંત થયા
• દર વર્ષે રાજ્યમાં સૌથી વરસાદ ઉમરપાડા તાલુકામાં નોંધાય છે

ઉમરપાડા (Rain Update): ચારેય તરફ ગાઢ જંગલથી ઘેરાયેલા અને સુરત જિલ્લાના ચેરાપૂંજી તરીકે ઓળખાતા ઉમરપાડા તાલુકામા ચોમાસું ધીમે ધીમે જામી રહ્યું છે, ત્યારે સોમવારે 88MM જેટલો વરસાદ ખાબકતા તાલુકાના નદીનાળા ફરી જીવંત થયા હતા અને નવા નીર આવ્યા હતા, ત્યારે ઉમરપાડામાં મેઘરાજાએ તોફાની બેટિંગ કરતા માંડવી તાલુકાના ખેડૂતોની જીવાદોરી ગણાતો ગોળધા ડેમ ઓવરફ્લો થયો હતો. ડેમ ઓવરફ્લો થતા ખેડૂતો ખુશ ખુશાલ જોવા મળી રહ્યાં હતા અને પાક માટે સિઝન સારી જશે તેવી આશા બંધાઈ હતી.

આ પણ વાંચો: અઢી ઈંચના વરસાદ બાદ ઉમરપાડાના ચેકડેમ છલકાયા

આ સિઝનનો 342MM વરસાદ ખાબક્યો

ઉમરપાડા તાલુકા ચારેયતરફ જંગલોથી ઘરેયલો વિસ્તાર છે અને પથરાળ જમીન થી પથરાયેલ વિસ્તાર છે,આ વિસ્તારમાં રાજ્યનો સૌથી વઘુ વરસાદ વરસતો હોય છે,હજી તો ચોમાસાની સિઝન શરૂ થયાને આંગળી ના વેઢે ગણી શકાય તેટલા દિવસો થયા છે ત્યારે અત્યાર સુધી સિઝનનો 342મીમી વરસાદ ખાબકી ગયો છે.