બારડોલી સુગર ફેક્ટરીની ચૂંટણીમાં 51.41 ટકા મતદાન થયું

આજે બારડોલી સુગર ફેકટરીની ચૂંટણીની વ્યવસ્થાપક સમિતિની ચૂંટણી યોજાઈ હતી, જેમાં 51.41 ટકા જેટલું મતદાન થયુ હતું. કુલ ત્રણ મતદાન મથકો પર 13 બેઠક માટે 2375 મતદાતાએ મતદાન કર્યું હતું.

• બારડોલીમાં સુગર ફેક્ટરીમાં ચૂંટણી યોજાઈ
• સહકાર અને કિસાન પેનલ વચ્ચે થયો મુકાબલો
• 13 બેઠકો માટે 2375 મતદારે કર્યું મતદાન
  
  
  

બારડોલી: શ્રી ખાંડ ઉદ્યોગ સહકારી મંડળી લિમિટેડ (બારડોલી સુગર ફેકટરી)ની વ્યવસ્થાપક સમિતિની ચૂંટણી માટે શનિવારે મતદાન થયું થયું હતું. કુલ 4619 મતદારોમાંથી 2375 મતદારોએ 13 બેઠકો પર મતદાન કર્યું હતું. મતદાન પ્રક્રિયા શાંતિપૂર્ણ માહોલમાં પૂર્ણ થઈ હતી.

બારડોલી સુગર ફેક્ટરીની ચૂંટણીમાં 51.41 ટકા મતદાન થયું

સહકાર પેનલ અને કિસાન પેનલ પર ખરાખરીની લડાઈ થઈ

એશિયાની સૌથી મોટી ગણાતી બારડોલી સુગર ફેકટરીની વ્યવસ્થાપક સમિતિની ચૂંટણીમાં વર્તમાન પ્રમુખ રમણ પટેલની સહકાર પેનલ અને મુકેશ પટેલની કિસાન પેનલ વચ્ચે શનિવારના રોજ ચૂંટણી યોજાઈ હતી. કુલ 15 બેઠકો પૈકી અનુસૂચિત જાતિ/જનજાતિ અનામત પર સહકાર પેનલમાંથી રાજયના સામાજિક ન્યાય અને અધિકારિતા પ્રધાન ઈશ્વર પરમાર અને બિન ઉત્પાદક મંડળીઓની બેઠક પર સહકાર પેનલના અનિલ પટેલ બિનહરીફ જાહેર થયા હતા. જ્યારે 13 બેઠકો માટે ત્રણ મતદાન કેન્દ્રો પર આજે મતદાન યોજાયું હતું. કુલ 4619 ઉત્પાદક મતદારો પૈકી 2375 મતદારોએ પોતાના મતાધિકારનો ઉપયોગ કર્યો હતો.

કયા જૂથના કેટલા મતદાતાએ કેટલું મતદાન કર્યું જુઓ...

જૂથ	કુલ મતદાર	મતદાન	ટકાવારી
મોતા	370	174	47.03
ખરવાસા	327	171	52.29
શામપુરા	450	210	46.67
ઓરણા	363	180	49.59
સેવણી	367	217	59.13
પુણા	472	270	57.20
તુંડી	380	168	44.21
એના	419	183	43.68
નિઝર	419	207	49.40
બારડોલી	575	339	58.96
મોટી ફળોદ	477	256	53.67
કુલ	4619	2375	51.41