રઘુવીર માર્કેટ આગઃ માર્કેટમાં ફાયર વિભાગે 104 દુકાનોને કરી સીલ

સુરત રઘુવીર માર્કેટમાં આગ લાગ્યા બાદ ફાયર વિભાગ ફરીથી જાગ્યું હોઈ તેવું લાગી રહ્યું છે. ફાયર વિભાગ દ્વારા વહેલી સવારે રીંગરોડ વિસ્તારમાં આવેલી ત્રણ માર્કેટની દુકાનોને સીલ કરવાની કામગીરી હાથ ધરવામાં આવી હતી.

સુરતઃ ફાયર વિભાગ દ્વારા વહેલી સવારે રીંગરોડ વિસ્તારમાં આવેલી ત્રણ માર્કેટની દુકાનોને સીલ કરવાની કામગીરી હાથ ધરવામાં આવી હતી. રિદ્ધિ સિદ્ધિ માર્કેટની 11 દુકાન અરિહંત અવસ્થ માર્કેટની 83 દુકાન અને મનીષ માર્કેટની 10 દુકાન મળી કુલ 104 જેટલી દુકાનોને સિલ કરવાની કામગીરી હાથ ધરવામાં આવી હતી.

આ તમામ માર્કેટની દુકાનોને અગાઉ ફાયરના સાધનોને લઈ નોટિસ પાઠવવામાં આવી હતી. તેમ છતાં આ દુકાનદારો દ્વારા ફાયર સેફ્ટીના સાધનો લગાડવામાં આવ્યા નહોતા. જેને કારણે વહેલી સવારથી જ ફાયર વિભાગની ટીમે દ્વારા આ તમામ દુકાનોને સીલ મારવાની કામગીરી હાથ ધરવામાં આવી હતી. સીલીંગની કાર્યવાહીથી કાપડના વેપારીઓ પણ દોડતા થયા હતા.