સુરતઃ શહેરના લીંબાયત સ્થિત નીલમનગર સોસાયટીમાં રહેતા સુનીલકુમાર રામપ્રસાદ સોનીએ લીંબાયત પોલીસ મથકમાં(Surat Limbayat Police ) ફરિયાદ નોંધાવી હતી કે ગત તારીખ 11-2-2022 ના રોજ પરિવાર સાથે સોમનાથ દર્શન(Somnath Darshan) કરવા ગયા હતા. 13 તારીખે પરત ફર્યા હતા આ દરમિયાન અજાણ્યા તસ્કરોએ તેઓના ઘરની અગાસી ઉપરથી નીચે(Surat theft case) બીજા માળે આવી સંતોષભાઈના રૂમના દરવાજાનું તાળું કાપી ઘરમાં પ્રવેશ કર્યો હતો. ઘરમાંથી સોના ચાંદીના દાગીના તેમજ રોકડા રૂપિયા મળી કુલ 19.45 લાખની મત્તા ચોરી કરી ફરાર થઇ ગયા હતા.
સબક શીખવાડવા ચોરી કરી
ઘર માલિકની ફરિયાદના આધારે લીંબાયત પોલીસે ગુનો નોંધી ડોગ સ્કવોડની(Surat Dog Squad)મદદ લઈને તપાસ શરુ કરી હતી. આ ઘટનાનો ભેદ લીંબાયત પોલીસે ઉકેલી કાઢ્યો હતો. આ ઘટનામાં પોલીસે તેઓના સગા ભાઈના દીકરા પ્રદીપ ઉર્ફે ગોલુ પપ્પુભાઈ સોનીની કડક પૂછપરછ કરતા તેણે ચોરી કરી હોવાની કબુલાત કરી હતી. તેની કડક પૂછપરછ કરતા જાણવા મળ્યું હતું કે પ્રદીપ ઉર્ફે ગોલુ પપ્પુભાઈ સોની અને સુનીલ કુમારની બિહાર ખાતે આવેલી સંયુક્ત જમીન સંતોષભાઈએ વેચાણ કરી હતી. જેના નાણા તેઓના ભાઈના દીકરા પ્રદીપને આપ્યા ન હતા જેથી સબક શીખવાડવા ચોરી કરી હતી.
આ પણ વાંચોઃ સિક્યોરિટી ગાર્ડમાં નોકરી કરવી હોય તો પહેલા ચોરી કરો : મિત્રની સલાહ
પરિવારમાં ઝઘડો થતા તેનો દ્રેષ રાખી આ ચોરી કરવામાં આવી
જોઈન્ટ પોલીસ કમિશ્નર પ્રવીણ મલએ જણાવ્યું હતું કે લીંબાયત પોલીસ મથકમાં આ ચોરીનો બનાવ નોંધાયો હતો. આ ઘટનાને લઈને પોલીસે અલગ અલગ ટીમો બનાવી હતી. ચોરી કરવાની મોડેસ ઓપરેન્ડી તેમજ આજુબાજુના લોકોની પૂછપરછ કરી આ ગુનાનો ભેદ ઉકેલ્યો હતો. આ ઘટનામાં આરોપીની ધરપકડ કરી લેવામાં આવી છે. પરિવારમાં વતન બિહારમાં જમીન વેચવામાં આવેલી હતી અને પરિવારમાં ઝઘડો થતા તેનો દ્રેષ રાખી આ ચોરી કરવામાં આવી હતી.
આ પણ વાંચોઃ Theft in Banaskantha : છાપી પાસે બનેલી કરોડો રૂપિયાની ચોરીનો ભેદ ઉકેલાયો
