Surat Rain Update : લાંબા વિરામ બાદ વરસાદની રિ-એન્ટ્રી

સુરત જિલ્લામાં લાંબા વિરામ બાદ મેઘરાજાએ રી-એન્ટ્રી કરી હતી. માંગરોળ, માંડવી, ઓલપાડ, ઉમરપાડા સહિતના તાલુકામાં સવારથી જ મેઘરાજા મનમૂકીને વરસતા ખેડૂતોમાં હર્ષની લાગણી જોવા મળી હતી. વરસાદના લીધે ઘણા નીચાણવાળા વિસ્તારોમાં પાણી ભરાયા હતા.

• સુરતમાં કાળા ડિબાંગ વાદળો વચ્ચે ધોધમાર વરસાદ
• ઓલપાડ, માંગરોળ, માંડવી, ઉમરપાડા સહિતના તાલુકામાં વરસાદ
• વાતાવરણમાં ઠંડક પ્રસરી જતા લોકોને બફારથી રાહત થઈ

સુરત : સવારથી જ અંધારપટ વાતાવરણ અને કાળા ડિબાંગ વાદળો વચ્ચે ધોધમાર વરસાદ વરસવાનું શરૂ થયું હતું. સુરત જિલ્લાના કામરેજ, માંડવી, ઉમરપાડા, માંગરોળ, ઓલપાડ સહિતના તાલુકામાં ગાજવીજ અને પવન સાથે વરસાદ શરૂ થયો હતો. વરસાદ શરૂ થતા જ ઘણા વિસ્તારોમાં લાઇટ જતી રહી હતી અને નીચાણવાળા વિસ્તારોમાં પાણી ભરાતા લોકોને ભારે હાલાકી વેઠવાનો વારો આવ્યો હતો.

લાંબા વિરામ બાદ વરસાદની રિ-એન્ટ્રી

લાંબા વિરામ બાદ વરસાદની રિ-એન્ટ્રી

ખેડૂતોએ વાવણી કરેલા પાકને જીવનદાન મળ્યું

ચોમાસાના પ્રારંભે વરસાદ સારો વરસતા ખેડૂતોએ વાવણી કરી હતી. જોકે પછીથી મેઘરાજા હાથતાળી આપી ચાલ્યા ગયા હતા અને ખેડૂતો ચિંતામાં મુકાયા હતા. હાલ લાંબા વિરામ પછી ફરી સારો વરસાદ વરસતા ખેડૂતોએ વાવણી કરેલા પાકને જીવનદાન મળ્યું હતું અને વાતાવરણમાં ઠંડક પ્રસરી જતા લોકોને બફારથી રાહત થઈ હતી.

આ પણ વાંચો -