સુરત : શહેરમાં મહિલાએ પોતાના જ ઘરે આત્મહત્યા કરવાની ઘટના સામે આવી છે. શહેરના મહિલા જેઓ બપોરે પોતાના બંને સંતાનોને સુવડાવી આત્મહત્યા કરી લીધી હતી. છોકરાઓએ આ જોતા જ બુમાબુમ કરતા લોકો દોડી આવ્યા હતા. મહિલાને 108 એમ્બ્યુલન્સમાં સિવિલ હોસ્પિટલ લઈને ગયા હતા. હોસ્પિટલમાં ફરજ પરના ડોક્ટરે મહિલા મૃત જાહેર કરી હતી. હાલ આ મામલે પોલીસે વધુ તપાસ હાથ ધરી છે.
પ્રેમ સંબંધ : આ બાબતે મૃતક મહિલાના ભાઈએ જણાવ્યું હતું કે, મારી બહેનને અમારા જ ગામમાં દારૂ વેચનાર વિશાલ પટેલ જોડે 9 મહિના પહેલા પ્રેમ સંબંધ હતો. આ પેહલા મારી બહેનના 2005માં લગ્ન થયા હતા. ત્યારબાદ મારી બહેનને બે સંતાનો થયા હતા, પરંતુ ત્યારબાદ કોઈ કારણોસર મારા જીજાજી જોડે થતા છૂટાછેડા થઇ ગયા હતા. ત્યારબાદ ફરી 2014માં બીજા લગ્ન કર્યા તો જીજાજી જોડે વારંવાર ઝઘડો થવાના કારણે બહેન અલગ થઇને રહેતા હતા.
મહિલાને બુટલેગર જોડે પ્રેમ : વધુમાં જણાવ્યું કે, ત્યારબાદ તેઓ નજીકમાં જ કંપનીમાં કામ મળી ગયું હતું. ત્યારે કામ કરીને પોતાનું અને પોતાના બે સંતાનોનું ગુજરાન ચાલવતા હતા. ત્યારબાદ ગામનો જ એક વ્યક્તિ જેઓ દારૂનું વેચાણ કરે છે. તેની જોડે મારી બહેનને પ્રેમ થઇ ગયો હતો. ત્યારબાદથી વિશાલ અવરનવર ઘરે આવતો જતો રહેતો હતો. તે સમય દરમિયાન વિશાલે ફોટો પાડી લીધો હતો. આ ફોટોના વાઇરલ કરી નાખીશ એમ કહીને પૈસાની માંગણી કરતો હતો. સંબંધ બાંધવા માટે પણ વારંવાર દબાણ કરતો હતો.
આ પણ વાંચો : Rajkot News : ફોરેન ટ્રેડના અધિકારીએ કરી આત્મહત્યા, પરિવારજનોના CBI પર ગંભીર કર્યો આક્ષેપ
માનસિક ત્રાસ : અંતે છેલ્લે આવા માનસિક ત્રાસના કારણે મારી બહેને સમગ્ર હકીકત મને જાણ કરી હતી. તેથી મેં વિશાલને મળવા માટે ગયો હતો, પરંતુ તેણે મને ધમકી આપી હતી કે, તારાથી થાય એ કરી લે મારી પહોંચ ઉપર સુધી છે. ત્યારબાદ ગઈકાલે વિશાલે બપોરે ફોન પર કરી ધમકીઓ આપી હતી. જેને લઈને તેણે મને જાણ કરી હતી અને હું ઘરે પહોંચ્યો એટલામાં તો બહેને જીવન ટૂંકાવી લીધું હતું.
આ પણ વાંચો : Vadodara Crime: વડોદરામાં લગ્ન પહેલાં યુવતીએ પ્રેમી સાથે કરી આત્મહત્યા, ઘરે પરત ન ફરતાં ફૂટ્યો ભાંડો
પોલીસનું નિવેદન : આ બાબતે કવાસ પોલીસ સ્ટેશનના હેડ કોન્સ્ટેબલ સ્વરીને જણાવ્યું હતું કે, આ ઘટના ગઈકાલે બપોરે બની હતી. મહિલાએ માનસિક ત્રાસના કારણે આત્મહત્યા કરી છે. મહિલાએ તેના પ્રેમીના વારંવાર ફોટો વાયરલ કરવાની ધમકી આપવાના કારણે આત્મહત્યા કરી છે. તેવી ફરિયાદ મહિલાના ભાઈએ પોલીસમાં કરી છે. હાલ આ મામલે પોલીસે ફરિયાદ લઇ આગળની કાર્યવાહી હાથ ધરી છે.
