સુરત: કોરોનાની મહામારી વચ્ચે રાજકારણને એકબાજુએ મૂકી કોંગ્રેસ પ્રમુખ દ્વારા આ ભગીરથ કાર્ય કરવામાં આવી રહ્યું છે. કોંગ્રેસ પ્રમુખ બાબુ રાયકાના નિવાસસ્થાન નજીક જ આ રસોડું ઉભું કરવામાં આવ્યું છે. જ્યાં છેલ્લા આઠ દિવસથી અલગ-અલગ ભોજન તૈયાર કરી શ્રમજીવી અને ગરીબ વર્ગના લોકો સુધી નિસ્વાર્થ ભાવે પહોંચાડવામાં આવી રહ્યું છે. આ માટે સ્થાનિક મહિલાઓ તેમજ યુવાનો મળી કુલ 350 જેટલો સ્ટાફ આ સેવા આપી રહ્યો છે.
રસોડામાં સેવા આપી રહેલા લોકો વર્તમાન સ્થિતિને ધ્યાનમાં રાખી એકબીજા વચ્ચે અંતર જાળવી અને મોઢે માસ્ક પહેરી માનવતાના ધોરણે કામગીરી બજાવી રહ્યા છે. કોંગ્રેસ પ્રમુખના આ ભગીરથ કાર્ય થકી પ્રતિદિવસ હજારો લોકો પોતાના પેટનો ખાડો પુરી રહ્યા છે.
