નવસારી રોડ પર આવેલ મનપાના શોપિંગ સેન્ટરમાં રાત્રી દરમિયાન તસ્કરોએ તરખાટ મચાવ્યો હતો. મોડી રાત્રે તસ્કરોએ એકસાથે 5 દુકાનોને નિશાન બનાવી હતી. જેમાં કેટલીક દુકાનોમાંથી રોકડ રકમની ચોરી કરવામાં આવી હોવાનું બહાર આવી રહ્યું છે. તસ્કરો દ્વારા દુકાનોના શટર ઊચકાવી પ્રવેશ કરવામાં આવ્યો હતો. ત્યાર બાદ ચોરીની ઘટનાને અંજામ આપ્યો હતો. ચોરીની ઘટનાની જાણ થતાં વેપારીઓ તાત્કાલિક સ્થળ પર દોડી આવી આ બનાવની જાણ ઉધના પોલીસને કરી હતી.
આ બનાવની જાણ થતા ઉધના પોલીસ સ્ટાફ તાત્કાલિક ઘટના સ્થળે દોડી આવી આગળની તપાસ શરૂ કરી હતી. પોલીસ તપાસમાં ઈસમો CCTV ફુટેજમાં પણ કેદ થયા છે. જેથી ફુટેજના આધારે આરોપીઓનું પગેરું મેળવી તે દિશામાં પોલીસે કવાયત હાથ ધરી છે. દુકાનોમાંથી કેટલા રૂપિયાની ચોરી થઈ છે તેનો આંક બહાર આવ્યો નથી. જે અંગે પોલીસ દ્વારા વેપારીઓના નિવેદનો પણ લેવામાં આવી રહ્યા છે. જે બાદ બહાર આવશે કે ચોરીનો આંક કેટલો છે.
