સુરતઃ વેસુ વિસ્તારોમાં આવેલા SMC આંબેડકર નગર બિલ્ડીંગના રૂમ નંબર 5માં 3 બાળકો અને તેના માતા પિતા સુતા હતા, ત્યારે એકાએક સવારે 5 વાગે 5 કિલોનો ગેસનો બોટલ ફાટતા આગ લાગી હતી. આ ઘટનાના પગલે અફરા તફરી મચી ગઇ હતી. જેની જાણ પાડોશમાં રહેતા વિનોદ ગૌસ્વામીને ઘટના અંગે જાણ થઇ હતી. વિનોદે સર્વપ્રથમ ઘરમાં રહેલા ત્રણ બાળકોને હેમખેમ બહાર કાઢ્યા હતા.આ ઘટનામાં વિનોદ ગંભીર રીતે દાઝી ગયો હતો. જ્યારે વિનોદની સાથે શાહ દંપતી પ્રવીણ શાહ અને જ્યોત્સા શાહ પણ ગંભીર રીતે દાઝી ગયા હતા.
SMC આવાસના મકાન 5 કિલોનો ગેસનો બોટલ ફાટતા 3ને ગંભીર ઇજા
સમગ્ર ઘટનાની જાણ થતા જ ફાયરનો કાફલો સ્થળ પર પહોંચી ગયો હતા. તમામને સારવાર અર્થે સુરત નવી સિવિલ હોસ્પિટલ ખસેડવામાં આવ્યા હતા. સિલેન્ડર એકાએક સળગવા લાગ્યો હતો અને શાહ દંપતી ગેસ સિલિન્ડરને ઓલવવા પ્રયાસ કર્યો હતો, પરંતુ એ જ સમયે સિલિન્ડર બ્લાસ્ટ થયો હતો અને 3 લોકોને ઇજા થઇ હતી .
