સુરતમાં પ્રફુલભાઇ ગોંડલિયાનું જોલી બંગલાનું રિનોવેશન કામ ચાલુ હતું. જ્યાં સવારના તમામ મજૂરો પોતાનું કામકાજ કરી રહ્યાં હતા. એક મજૂરની 5 વર્ષિય શર્મિલા રાવત બાળકી સવારના 7.15 કલાકે બંગલાના પહેલા માળેથી જમીન પર પટકાઇ હતી. આ ઘટનાને પગલે 5 વર્ષિય બાળકીના પેટની જમણી બાજુમાં લોખંડનો 8 ફુટનો સળિયો આરપાર થઇ ગયો હતો.
આ ઘટનાને પગલે ભતાર વિસ્તારની 108ની ગાડી EMT હેતલે પ્રાથમિક સારવાર આપી તાત્કાલિક હૉસ્પિટલ ખસેડવામાં આવી હતી. જેને પગલે બાળકીને ઓપરેશન કરી બચાવવાની કામગીરી હાથ ધરવામાં આવી છે. આ ઘટનામાં શર્મિલાને 8 ફુટનો સળિયો લગભગ 3 ફુટ જેટલો આરપાર થઇ ગયો છે, ત્યારે બાળકીની હાલત ગંભીર પણ જણાઇ રહી છે.
