ઉમરપાડામાં રાત્રિ દરમિયાન 13 ઈંચ વરસાદ ખાબકતા આમલી ડેમમાંથી 15 હજાર ક્યુસેક પાણી છોડવામાં આવ્યું હતું. જેના પગલે નીચાણવાળા વિસ્તારો પાણીમાં ગરકાવ થયા હતાં. ગોડસબા અને અંબાપારડી ગામમાં પાણી ફરી વળતાં 100થી વધારે લોકોનું સ્થળાંતર કરાવાયું છે. વહીવટી તંત્ર દ્વારા સતર્કતા દાખવી રાહત અને બચાવની કામગીરી શરૂ કરી દેવાઈ છે. આમલીડેમ ખાતે પાણી ફરી વળતાં સ્ટેટ હાઈવે પણ પાણી-પાણી થઈ ગયો હતો. હાલ પણ પાણી ભરાયેલા ગામોમાંથી લોકોને સલામત સ્થળે ખસેડવામાં આવી રહ્યાં છે.
સુરતના ઉમરપાડામાં આભ ફાટ્યું, એક રાતમાં 13 ઈંચ વરસાદથી જળબંબાકાર
