રાજ્યમાં ભારે વરસાદની આગાહી બાદ સુરત જિલ્લાના બારડોલીમાં ધોધમાર વરસાદ શરૂ થયો છે. ભારે વરસાદ અને પવન હોવાથી કેટલાક ગામોમાં વૃક્ષો પડવાના અને વીજળી ડુલ થવાનાં પણ બનાવો બન્યા હતા. ત્યારે બારડોલીના લીમડા ચોક વિસ્તારમાં ભારે પવન સાથે વરસાદ પડતાં એક ગારમેન્ટ્સની દુકાન બહાર લગાવેલા GEBના મીટરમાં અચાનક આગ લાગી હતી.
ગારમેન્ટ્સની દુકાનમાં આગ લાગી
જો કે, ફાયરના સાધનો હોવાથી સ્થાનિકોએ ત્વરિત આગ પર કાબૂ મેળવી લીધો હતો. સાથે કોઈ દુર્ઘટના ન બને તે માટે બારડોલી ફાયર વિભાગને જાણ પણ કરવામાં આવી હતી. આગ લાગવાના સમયે નજીકમાં વ્યક્તિ કે વસ્તુ હાજર ન હોવાથી જાનહાનિ ટળી હતી.
