- 13 બેઠકો પર યોજાઇ હતી ચૂંટણી
- 28મી નવેમ્બરના રોજ મતદાન થયું હતું
- 11 બેઠક સહકાર પેનલ અને 2 બેઠક કિસાન પેનલના ફાળે
બારડોલી : શ્રી ખેડૂત સહકારી ખાંડ ઉદ્યોગ મંડળી લી.ની વ્યવસ્થાપક સમિતિની ચૂંટણી ગત 28મી નવેમ્બરના રોજ યોજાઈ હતી. જેનું પરિણામ શનિવારના રોજ એક મહિના પછી જાહેર કરવામાં આવ્યું હતું. સ્ટેની અરજી પરત ખેંચાતા કરવામાં આવી મતગણતરી બિન ઉત્પાદક સભાસદોને મતાધિકાર નહીં આપવાના નિયમને હાઇકોર્ટમાં પડકારવામાં આવ્યો હતો. જે ચુકાદો આવે તે પહેલાં પરિણામ જાહેર કરવા પર સ્ટે માટે બીજી એક અરજી કરવામાં આવી હતી. જેને લઈને પરિણામ અટકાવી દેવામાં આવ્યું હતું. પરંતુ ગુરુવારે સ્ટે માટેની અરજી અરજદારે પરત ખેંચી લેતા મતગણતરી પરનો સ્ટે ઉઠી ગયો હતો. આથી શનિવારના રોજ ચૂંટણી અધિકારીની દેખરેખ હેઠળ કન્યા વિદ્યાલય અસ્તાન ખાતે મતગણતરી હાથ ધરવામાં આવી હતી. સહકાર પેનલના બે ઉમેદવારો પહેલાથી જ બિનહરીફ જાહેર થયા હતા સુગર ફેક્ટરીની કુલ 15 બેઠકો પૈકી 2 બેઠકો પર સહકાર પેનલના ઉમેદવાર બિનહરીફ જાહેર થયા હતા. જેમાં બિન ઉત્પાદક મંડળીના પ્રતિનિધિ તરીકે અનિલ પટેલ અને અનુસૂચિત જાતિ જનજાતિના પ્રતિનિધિની બેઠક પર કેબિનેટ પ્રધાન ઈશ્વર પરમાર બિનહરીફ થયા હતા. 15 માંથી બે બેઠકો બિનહરીફ થતા ગત 28મી નવેમ્બરના રોજ 13 બેઠકો માટે ચૂંટણી થઈ હતી. જેની મતગણતરી કરવામાં આવી હતી.
મોટી સંખ્યામાં ઉમટી પડ્યા સમર્થકો
13 બેઠકોમાંથી 11 બેઠકો પર વર્તમાન શાસક સહકાર પેનલનો વિજયી થયો હતો. જ્યારે કિસાન પેનલના બે ઉમેદવારો વિજેતા થયા હતા. વિજેતા ઉમેદવારોના સમર્થકો મોટી સંખ્યામાં મત ગણતરી કેન્દ્ર પર ઉમટી પડ્યા હતા અને અભિનંદનનો વરસાદ વરસાવ્યો હતો.
ઇતિહાસમાં પ્રથમ વખત ઉપપ્રમુખ ફરી ચૂંટાયા
બારડોલી સુગર ફેકટરીના ઇતિહાસમાં સૌ પ્રથમ વખત ઉપપ્રમુખ રહી ચૂકેલા ઉમેદવાર ફરીથી ચૂંટાઇ આવ્યા છે. એવું કહેવાય છે કે, બારડોલી સુગર ફેકટરીમાં ઉપપ્રમુખ બનેલા ઉમેદવારો બીજી ટર્મમાં ક્યારેય ચૂંટાયા નથી અથવા તો તેમને ઉમેદવાર જ બનાવવામાં આવતા નથી. પરંતુ આ વાતને સુરત જિલ્લા ભાજપ મહામંત્રી ભાવેશ પટેલે ખોટી સાબિત કરી છે. તેઓ ગત ટર્મમાં ઉપપ્રમુખ રહ્યા બાદ ફરીથી મોતા જૂથ પરથી ઉમેદવારી કરી હતી અને જંગી બહુમતીથી જીત્યા છે.
| જુથ | વિજેતા ઉમેદવાર | મળેલ લીડ | પેનલ |
| મોતા | ભાવેશભાઈ નગીનભાઈ પટેલ | 550 | સહકાર |
| ખરવાસા | રમણભાઈ સુખાભાઈ પટેલ | 206 | સહકાર |
| શામપુરા | પ્રવીણભાઈ વલ્લભભાઇ પટેલ | 206 | સહકાર |
| ઓરણા | જયંતિભાઈ ભુલાભાઈ પટેલ | 44 | સહકાર |
| સેવણી | સુરેશભાઈ સોમાભાઈ પટેલ | 313 | સહકાર |
| પુણા | સુરેશભાઇ રંગીલભાઈ પટેલ | 127 | સહકાર |
| તુંડી | મુકેશભાઇ નગીનભાઈ પટેલ | 60 | કિસાન |
| એના | પરિમલભાઈ બળવંતભાઈ પટેલ | 462 | સહકાર |
| નિઝર | નટવરભાઇ પ્રેમાભાઈ પટેલ | 248 | સહકાર |
| બારડોલી | ગિરીશભાઈ અંબુભાઇ પટેલ | 221 | કિસાન |
| મોટી ફળોદ | અનિલભાઈ ભીખુભાઈ પટેલ | 186 | સહકાર |
| સ્ત્રી અના.1 | અમિતાબેન ભરતભાઇ પટેલ | 391 | સહકાર |
| સ્ત્રી અના.2 | ઇન્દુબેન જયંતિ પટેલ | 153 | સહકાર |
| બિન ઉત્પાદક જુથ | અનિલ પરસોત્તમ પટેલ | બિનહરીફ | સહકાર |
| અનુ.જાતિ/જનજાતિ | ઈશ્વરભાઈ રમણભાઈ પરમાર | બિનહરીફ | સહકાર |
