સુરત : ચીન સહિત વિશ્વના અન્ય દેશોમાં કોરોના સંક્રમણ વધ્યા બાદ ભારત (corona cases today) સરકારે કેટલીક ગાઈડલાઈન જાહેર કરી છે. જેમાં માસ્ક પણ અનિવાર્ય કર્યા છે. સંભવિત ચોથી લહેરને ધ્યાનમાં રાખી તંત્ર સાથે લોકો પણ એલર્ટ થઈ ગયા છે અને હાલ મેડિકલ ગેજેટની કિંમતમાં પણ વધારો જોવા મળી રહ્યો છે. ચીનમાં જે રીતે કોરોના સંક્રમણ વધતા સ્થિતિ-કફોડી બની છે. તેના કારણે ભારત સહિત અન્ય દેશોની ચિંતા વધી રહી છે અને ભારત સરકારે સતત હાઈ લેવલ મીટીંગ કરી છે. રાજ્યો માટે ગાઈડલાઈન બહાર પાડી રહ્યા છે. તો બીજી બાજુ જે મેડિકલ ગેજેટ છે તેની કિંમતમાં પણ વધારો જોવા મળી રહ્યો છે. દરેક મેડિકલ ગેજેટ પર 20થી 40ટકાનો વધારો થયો છે. (Corona case in Gujarat)
પલ્સ ઓક્સિમીટરમાં આ 20 ટકાનો વધારો ઓક્સિજનના સ્તરની નિયમિત રીતે તપાસ કરવા માટે જરૂરી ઓક્સિમીટરની ડિમાન્ડ પણ વધી ગઈ છે. ડોક્ટરોનું માનીએ તો જો ઓક્સિજનની માત્રા 95થી 100 ટકાની રેન્જમાં હોય તો તેને સામાન્ય ગણવામાં આવે છે. જો કોરોના સંક્રમિતોમાં ઓક્સિજનનું સ્તર 90 ટકાથી ઓછું થઈ જાય તો સારો સંકેત નથી. આ જ કારણ છે કે કોરોના સંક્રમણ વધવાની શક્યતાની સાથોસાથ ઓક્સિમીટરની ઇન્કવાયરી પણ વધી ગઈ છે. બજારમાં પહેલા પલ્સ ઓક્સિમીટરની કિંમત આશરે 650 રૂપિયા હતી જે હાલ વધીને 850થી 900 રૂપિયા થઈ ગઈ છે. (corona medical equipment)
નેબ્યુલાઇઝર મશીનની કિંમતમાં વધારો નેબ્યુલાઇઝર મશીન કોરોના સામે લડવામાં મદદ કરે છે. ખાસ કરીને તે ચેપગ્રસ્ત ફેફસામાં સીધો ઓક્સિજન પહોંચાડે છે. અગાઉ તેની કિંમત 1000થી 1500 રૂપિયા હતી. જે વધીને 1700થી 2000 રૂપિયા થઈ ગઈ છે. (medical gadgets prices Increase)
કોન્ટેક્ટલેસ થર્મોમીટર કોરોના ચેપી રોગ છે, ત્યારે સોશિયલ ડિસ્ટન્સિંગ રાખવું ખૂબ જ જરૂરી છે અને તેના માટે કોન્ટેક્ટ લેસ થર્મોમીટર ઉપયોગી સાબિત થયું છે. સંક્રમિત વ્યક્તિથી દૂર રહી તેના શરીરનું તાપમાન આ મશીનથી માપી શકાય છે. અગાઉ તેની કિંમત 1000 રૂપિયા હતી. હાલ તેની કિંમત 1200થી 1300 રૂપિયા થઈ ગઈ છે.
આ પણ વાંચો ચીન કોવિડના સબવેરિયન્ટનો રાફડો ફાટ્યો, હવે મગજને અસર કરતા વાયરસ
સેનીટાઇઝરની કિંમતમાં 20થી 25 ટકાનો વધારો કોરોના સામેની લડત માટે સેનિટાઇઝર ઉપયોગી છે. મેડિકલ સ્ટાફ હોય કે સામાન્ય લોકો હોય સરકાર દ્વારા સૂચના આપવામાં આવે છે કે તેઓ સેનીટાઇઝરનો સતત ઉપયોગ કરે. અગાઉ જે સેનેટાઈઝર 5 લીટર સાડા ચારસો રૂપિયામાં મળતું હતું. તેની કિંમત હાલ 550થી લઈને 750 રૂપિયા સુધી થઈ ગઈ છે. (Corona Sanitizer Price)
N 95 માસ્કની કિંમતમાં વધારો સેનીટાઇઝરની સાથો સાથ અતિ ઉપયોગી રહેનાર માસ્કની કિંમતમાં પણ 10થી 25 ટકાનો વધારો જોવા મળી રહ્યો છે. ખાસ કરીને કાપડના માસ્ક જે 15થી 20 રૂપિયાના મળતા હતા. તેની કિંમત 30થી 35 રૂપિયા થઈ ગઈ છે. ખાસ કરીને જે સર્જીકલ ડિસ્પોઝેબલ માસ્ક છે. તે અગાઉ 3થી 5 રૂપિયામાં મળતું હતું. જેની કિંમત અત્યારે 7થી 10 રૂપિયા થઈ ગઈ છે. સાથોસાથ N-95 માસ્કની કિંમતમાં પણ વધારો નોંધાયો છે. જે N-95 માસ્કની કિંમત રૂપિયા 100 હતી. તે વધીને 150 રૂપિયા સુધી થઈ છે. (coronavirus india)
આ પણ વાંચો ધારાસભ્ય એ હોસ્પિટલની મુલાકાત લીધી, સફાઈ, મેન્ટેનન્સ, ડોક્ટરોને લઈને નારાજગી કરી વ્યક્ત
મેડિકલ ગેજેટની ડિમાન્ડ વધી મેડિકલ ગેજેટ અને કોરોના માટે જરૂરી વસ્તુઓના ભાવમાં વધારા અંગે ડિસ્ટ્રીબ્યુટર અનિલ શર્માએ જણાવ્યું હતું કે, હાલ છેલ્લા ઘણા મહિનાથી આ તમામ વસ્તુઓની ડિમાન્ડ નહીંવત હતી અને દેશભરમાં વેક્સિનેશનની સંખ્યા પણ સારી થઈ હતી. પરંતુ હાલ જે રીતે વિદેશમાં કોરોનાના કેસ વધી રહ્યા છે. તેના કારણે અત્યારે મેડિકલ ગેજેટની ડિમાન્ડ વધી છે. પરંતુ તેની સામે સપ્લાય ઓછો છે. જેના કારણે જરૂરી વસ્તુઓના ભાવમાં વધારો નોંધાયો છે. દરેક વસ્તુઓમાં 20થી 30 ટકાનો ભાવ વધ્યો છે. મોટાભાગની વસ્તુઓ બહારથી આવતી હોય છે. તેને મંગાવવામાં ખૂબ જ ઓછો સમય છે.(Corona medicine)
