સુરતમાં હેન્ડ પંપ માટે રૂપિયા ન ફાળવાયા હોવાનો કોંગ્રેસનો આક્ષેપ

સુરત : જિલ્લામાં હાલ છેલ્લા દોઢ દાયકા કરતા વધુ ગરમી જોવા મળી રહી છે. ત્યારે ચાલુ વર્ષે રાજ્ય સરકાર દ્વારા હેન્ડ પંપ માટે એક પણ રૂપિયો ન ફાળવાયો હોવાનો ઘટસ્ફોટ કોંગ્રેસના નેતા દર્શન નાયક દ્વારા કરાયો છે.

દર્શન નાયકે જણાવ્યું કે, પીવાના પાણીની સવલત પૂરી પાડવી તે આપણી મહત્વની જરૂરિયાત છે. ત્યારે વર્ષ દરમિયાન 2016-17માં જ્યારે 5.28 કરોડ રૂપિયા ફાળવાયા હતા. જ્યારે વર્ષ 2017-18માં 4.27 કરોડ સુરત જિલ્લા પંચાયતને ફાળવાયા હતા. હવે ચાલુ વર્ષે એક પણ રૂપિયો ફાળવાયો નથી. છેલ્લા બે વર્ષમાં અંદાજે 2 હજાર હેન્ડ પંપ નખાયા હતા. તેની સામે આજદિન સુધી એક પણ હેન્ડ પંપ ચાલુ વર્ષે કરાયો નથી.

તો સુરત જિલ્લા પંચાયત શાસકો એમ કહે છે. કે હાલમાં ગટર અને રોડ રસ્તા વધારે પ્રાયોરેટીમાં છે. તેથી આ ફાળવણી કરાઈ નથી. આમ જિલ્લા પંચાયતના શાસકોની વહીવટી અણઘડતાની આકરી ઝાટકણી દર્શન નાયકે કરી હતી.