બારડોલીમાં કેદારેશ્વર મહાદેવ મંદિર નજીક કામચલાઉ ભઠ્ઠી શરૂ કરાઈ

સુરતમાં કોરોના કેસ વધતા કોરોનાથી મૃત્યુ પામનારા લોકોની સંખ્યા પણ વધી રહી છે ત્યારે સ્મશાનોમાં પણ મૃતદેહના અંતિમ સંસ્કાર માટે લોકોએ વેઈટિંગમાં ઉભુ રહેવું પડે છે. આવામાં બારડોલીમાં ફરી એક વખત સ્મશાનગૃહની ગેસ આધારિત ત્રણેય ભઠ્ઠી બગડી ગઈ હતી, જેના કારણે મૃતદેહોને અગ્નિદાહનો પ્રશ્નો ઉભો થયો હતો. તેવામાં તાત્કાલિક કેદારેશ્વર મહાદેવ મંદિર નજીક મીંઠોળા નદીના કિનારે કામચલાઉ ભઠ્ઠી શરૂ કરવામાં આવી હતી.

• બારડોલીમાં સ્મશાનગૃહની ગેસ આધારિત ત્રણેય ભઠ્ઠી બગડી
• 5માંથી 3 ભઠ્ઠી કોરોના સંક્રમિત મૃતદેહો માટે ફાળવી છે
• બુધવારે સાંજ સુધીમાં આ ભઠ્ઠી રિપેર થાય તેવી શક્યતા છે

સુરતઃ બારડોલીમાં મૃતદેહોના અંતિમ સંસ્કાર માટે પરિવારજનોની લાંબી લાઈન જોવા મળી રહી છે. તેવામાં બારડોલીમાં ફરી એક વખત સ્મશાનગૃહની ગેસ આધારિત ત્રણેય ભઠ્ઠી બગડી જતા મુશ્કેલીનો સામનો કરવો પડ્યો હતો. જોકે, તાત્કાલિક કેદારેશ્વર મહાદેવ મંદિર નજીક મીંઠોળા નદીના કિનારે કામચલાઉ ભઠ્ઠી શરૂ કરવામાં આવી હતી.

આ પણ વાંચોઃ ગાંધીનગરના સ્મશાનોમાં જગ્યાઓ ખૂટી, કુલ 32 ભઠ્ઠીઓ કાર્યરત થશે

સુરતથી મૃતદેહો બારડોલી લાવવામાં આવી રહ્યા છે

સુરત શહેરમાં કોરોનાથી મોત થવાની સંખ્યા ખૂબ જ ઊંચી છે. શહેરના સ્મશાનગૃહોમાં રાત દિવસ મૃતદેહોની લાંબી કતાર જોવા મળી રહી છે. તેમજ ટોકન પદ્ધતિથી મૃતદેહોને અગ્નિદાહ આપવામાં આવી રહ્યો છે. આ કતાર ઘટાડવા માટે સુરત શહેરમાંથી બારડોલીના સ્મશાનગૃહમાં લાવવામાં આવી રહ્યા છે.

બારડોલીમાં સ્મશાનગૃહની ગેસ આધારિત ત્રણેય ભઠ્ઠી બગડી