સુરતના આશરે 54 એવા પોઇન્ટ છે, જ્યાં ટ્રાફિક વ્યવસ્થા અને દંડ વસૂલવા માટે સીસીટીવી કેમેરા લગાડવામાં આવ્યાં છે. આ તમામ સ્થળે ત્રીજી આંખ એવા કેમેરા સુરતીઓના વાહનોના નંબર પ્લેટ અને તેમની ટ્રાફિક નિયમનની ગતિવિધિઓ પર નજર રાખે છે, તેમજ તેના દ્વારા ટ્રાફિક નિયમનો ભંગ કરનાર લોકોને ઇ-ચલણ મોકલવામાં આવે છે. જેના હેઠળ લોકોને દંડની રકમ ભરવી પડે છે, પરંતુ તમને સાંભળીને આશ્ચર્ય થશે કે વર્ષ 2013થી લઈ અત્યાર સુધીમાં 40 લાખ જેટલા ઈ-ચલણ મોકલી તો આપવામાં આવ્યાં છે, પરંતુ, સુરતીઓએ આ દંડની રકમ ભરી નથી. આ દંડની રકમ કરોડોમાં છે. હવે આ તમામની ચલણના દંડ વસૂલવા માટે સુરત ટ્રાફિક પોલીસ દ્વારા આશરે એક હજારથી વધુ સુરતીઓને નોટિસ ફટકારવામાં આવી છે.
40 લાખ ઈ-ચલણ બાકી, 1 હજારને નોટિસ ફટકારાઇ
