ખેડબ્રહ્મામાં પોલીસની નિષ્ક્રિયતાને પગલે સ્થાનિકોમાં ભારે રોષ જોવા મળી રહ્યો છે. સ્થાનિકો પોલીસ ગંભીર આક્ષેપ કરતાં જણાવી રહ્યાં છે કે, "પોલીસ દારૂના અડ્ડા ચલાવવા માટે હપ્તા વસૂલે છે. જેથી તેઓ અનેક રજૂઆતો છતાં ખુલ્લેઆમ ચાલતા દારૂના અડ્ડા અંગે કોઈ પગલાં લઈ રહ્યાં નથી."
ખેડબ્રહ્મામાં મહિલાઓએ પોલીસ સ્ટેશનનો કર્યો ઘેરાવ
આમ, પોલીસ અને દારૂ વેચનાર વચ્ચે સાઠગાંઠ હોવાના કારણે દારૂનું ખુલ્લેઆમ વેચાણ થઈ રહ્યું છે. જેના કારણે રહીશોનો જીવ જોખમાઈ રહ્યો છે. તેમજ પંથકમાં અસમાજિક તત્વોનો ભય વધી રહ્યો છે. એટલે ગેરકાયદેસર ચાલતા દારૂના અડ્ડાને હટાવવા અને પોલીસને પોતાની ફરજ ચૂકનું ભાન કરાવવા માટે મહિલાઓએ પોલીસ સ્ટેશનનો ઘેરાવ કર્યો હતો. સાથે જ વહેલી તકે દારૂ અડ્ડા હટાવવાની માગ કરી હતી. જો તેમની આ માગ વહેલી તકે પૂરી કરવામાં નહીં આવે તો તેમને ગાંધી ચિંધ્યા માર્ગે આંદોલન કરવાની ચિમકી ઉચ્ચારી છે.
