નોટબંધી બાદ રદ્દ થયેલી ચલણી નોટોને બદલીને તેની જગ્યાએ નવી ચલણી નોટ આપવાની વાત કરીને આજથી 1 વર્ષ પહેલા સાબરકાંઠાના ઇડર પાસે કડીયાદરા ગામના પેટ્રોલ પંપ નજીક રાત્રીના સમયે 6 કરોડની લુંટ થઈ હતી. જેમાં 2 આરોપીઓની પહેલા ધરપકડ કરવામાં આવી હતી. આજે વધુ 2 આરોપીઓની ધરપકડ કરવામાં આવી છે.
સાબરકાંઠાના કડીયાદરા ગામના લૂંટના વધુ 2 આરોપીની ધરપકડ
ઇડર તાલુકાના વાંસડોલ ગામના હરેશ પરમાર તેમજ ભૂતિયા ગામના ભીખા ગોસ્વામીની અટકાયત કરવામાં આવી છે. જો કે, આ મુદ્દે 2 આરોપીઓને કોર્ટમાં રજૂ કરતા આગામી 12 તારીખ સુધીના રિમાન્ડ આપવામાં આવ્યા છે. આ રિમાન્ડ દરમિયાન હજુ વધુ કેટલાક ખુલાસા થઇ શકે છે.
