સાબરકાંઠા જિલ્લામાં છેલ્લા બે દિવસથી બોલિવુડના કલાકારો દ્વારા હિન્દી ફિલ્મનું શૂટિંગ થઈ રહ્યું છે. જે અંગેની કોઈ પણ જાણ સ્થાનિકોને કરવામાં આવી નહોતી. અચાનક જ પાલિકા અને રસ્તાઓ બંધ દેવાયા હતા. જેના કારણે નગરજનોને ભારે હાલાકીનો સામનો કરવો પડી રહ્યો હતો.
ફિલ્મ શૂટિંગ ઈડરના લોકો માટે બન્યો માથાનો દુઃખાવો
આમ, પાલિકા અને રોડ રસ્તા બંધ કરી દેતા લોકોના રોજબરોજના કામકાજ અટકી પડ્યા હતા. તો બીજી તરફ પોલીસ પ્રોટેક્શન અને ખાનગી સિક્યુરિટીના વ્યવહારના કારણે વાહનવ્યવહાર અટકી પડ્યો હતો. જેથી આ ફિલ્મ શૂટિંગ કેટલાંક લોકો માટે આ ફિલ્મ માથા દુખાવો બની હતી.
ઉલ્લેખનીય છે કે, ઇડરમાં 33 વર્ષ પહેલા મહાનાયક અમિતાભ બચ્ચને એક આલ્બમનું શૂટિંગ કર્યુ હતું. ત્યારબાદ હવે અભિનેતા રણવીર સિંહ,આલિયા ભટ્ટ અને બોમન ઇરાની પોતાની આગામી ફિલ્મનું શૂટિંગ કરી રહ્યાં છે.
