સાબરકાંઠામાં જંગલમાં પ્રકૃતિ સોળે કલાએ ખીલી, વરસાદમાં નયનરમ્ય દ્રશ્યો સર્જાયા

સાબરકાંઠા: જિલ્લામાં વૈવિધ્યસભર આદિજાતિની સંસ્કૃતિ અને આહ્લાદક વાતાવરણ માટે જાણીતો છે. તેમાં પણ સાબરકાંઠા જિલ્લાના વિજયનગર તાલુકાના જંગલની વાત જ નિરાળી છે. ચોમાસાની ઋતુમાં આ જંગલની વનરાજી જાણે સોળે કળાએ ખીલી ઉઠે છે. 'પોળોના જંગલ' તરીકે ઓળખાતી આ વનરાજીમાં ચોમાસાની ઋતુમાં પ્રવાસીઓ માટે ઉતમ પર્યટન સ્થળ ગણાય છે.

પોળોના જંગલો જિલ્લાના મુખ્ય મથક હિંમતનગરથી 65 કિમીના અંતરે આવેલા છે. આ પોળોના જંગલ કુદરતના ખોળે વસેલા મહાભારત કાલિન પ્રાચીન પોળોનગરીના અવષેશો હજી પણ પ્રવાસીઓને આકર્ષે છે. કુદરતના સાનિધ્યમાં ખળ-ખળ વહેતા શાંત નિર્મળ ઝરણા સોળે કળાએ ખીલેલી વનરાજી અને સાથે હરણાવ નદીનો વહેતો પ્રવાહ, કુદરતી સૌદર્યના આવા વાતાવરણમાં કોઇને પણ ઘરે જવાની ઇચ્છા ન થાય તેવુ નયનરમ્ય વાતાવરણ માણવા લોકો અહીં ખુશી ખુશી આવે છે.

વરસાદમાં નયનરમ્ય દ્રશ્યો સર્જાયા

શાણેશ્વર મહાદેવનુ મંદિર અને જૈન મંદિર

વરસાદના આગમન બાદ પોળોના જંગલોમાં લોકો વન-ડે પિકનીક મનાવા આવે છે. શહેરોના કોલાહલથી દૂર ભાગદોડ અને તનાવપૂર્ણ પ્રદુષણવાળા વાતાવરણથી દૂર શાંત અને શુદ્ધ વાતાવરણમાં કુદરતના ખોળે આવી લોકો પોતાના બધા ટેન્શન ભૂલી પરિવાર અને મિત્રો સાથે આનંદની પળો માણી શકે છે.

શાણેશ્વર મહાદેવનુ મંદિર અને જૈન મંદિર

ઐતિહાસિક અને સાંસ્કૃતિક વારસાથી સમૃદ્ધ એવા આ વિસ્તારના ભીલ અને ડુંગરી ગરાસીયા આદિજાતિની સંસ્કૃતિ, તેમના ભાતીગળ પહેરવેશ અને કલાત્મક ધરેણા આ વિસ્તાર સાંસ્કૃતિક રીતે વિશેષ મહત્વ ધરાવે છે. ઐતિહાસિક રીતે મહત્વ ધરાવતા 1000 વર્ષ જુના આ સ્મારકોએ ભારતના પનોતા પુત્ર મહારાણા પ્રતાપને તેમના સંધર્ષ કાળમાં આશરો આપી દેશના દુશ્મનો સામે લડવા માટે પ્રેરણા અને શક્તિ પુરી પાડી હતી.

વરસાદમાં નયનરમ્ય દ્રશ્યો સર્જાયા

પોળોના પ્રાકૃતિક વૈભવ અને સંપદા ધરાવતુ પોળો કેટલાક અલભ્ય વન્ય પ્રાણીઓ જેવા કે રીંછ, દીપડા અને ઉડતી ખિસકોલીઓનુ આશ્રયસ્થાન છે. પોળોના આ જંગલમાં લગભગ 350 જેટલી વનસ્પતિની વિવિધ જાતો મળી આવે છે. આંતરસુંબામાં આયુર્વેદીક ઔષધીય ઉદ્યાન બનાવામાં આવ્યો છે, જેમાં 260 પ્રકારના અલભ્ય આયુર્વેદીક જડીબુટ્ટિઓને જાળવવામાં અને ઉછેરવામાં આવે છે.

વરસાદમાં નયનરમ્ય દ્રશ્યો સર્જાયા

પોળોના જંગલમાં શાણેશ્વર મહાદેવનુ મંદિર અને જૈન મંદિર બંને ધર્મના ધર્મ સ્થાનક આવેલા છે. આ જંગલમાં ઘોડે સવારીનો પણ આનંદ લઈ શકાય છે. વણજ ડેમ સાઇટ, કેમ્પ સાઇટમાં બાગ બગીચો, ફૂલ છોડ ઓળખ, ટ્રેકિંગ રૂટ, જંગલમાં વન્ય સૃષ્ટિને નજીકથી માણવા માટે ગાઇડ વગેરેની સુવિધાથી સજ્જ એવા કુદરતી સૌદર્ય અને મનને તાજગીથી ભરી દેતા પોળોના જંગલોમાં પ્રવાસીઓ માટે સ્વસહાય જૂથની બહેનો દ્વારા ખાણી-પીણીના સ્ટોલ લગાવામાં આવ્યા છે. આ સાથે પોળોમાં રોકાવા માટે પણ જંગલ ખાતાની કેમ્પ સાઇટ તેમજ હોટલ સુવિધાઓ પણ ઉપલબ્ધ છે. જો કે વિજયનગરમાં આવેલુ આ પોળો જંગલ હવે આસપાસના જિલ્લાઓ માટે પણ એક આહ્લાદક સ્થળ તરીકે ઓળખવામાં આવે છે.

વરસાદમાં નયનરમ્ય દ્રશ્યો સર્જાયા