BAPS અને VHPએ 200 પરિવારોને શાકભાજીની કીટ વિતરણ કરી

સાબરકાંઠા જિલ્લામાં કોરોના વાઈરસના સંક્રમણને અટકાવવા તેમજ તકેદારીના ભાગરૂપે સાબરકાંઠા જિલ્લામાં આરોગ્ય સજ્જતાથી લઇ જરૂરીયાતમંદ લોકોને સહાય વિતરણ કરવામાં આવી રહી છે. જેમાં જિલ્લા વહીવટી તંત્ર દ્વારા 200 જેટલા પરિવારોને શાકભાજી કીટ વિતરણ કરવામાં આવી હતી

સાબરકાંઠાઃ જિલ્લામાં સેવાભાવી સંસ્થાઓ સેવાની સરવાણી વહાવી રહી છે, ત્યારે હિંમતનગરના સ્વામીનારાયણ સંપ્રદાય તરફથી હિંમતનગર શહેરમાં છૂટક મજૂરી કરતા જરૂરીયાતમંદ 200 પરીવારને શાકભાજી કિટસ કલેકટર સી.જે.પટેલના હસ્તે વિતરણ કરવામાં આવ્યું હતું. આ ઉપરાંત જિલ્લામાં આંતરરાષ્ટ્રીય વિશ્વ હિન્દુ પરીવાર તેમજ ડાંગરેજી મહરાજ સેવાભાવી સંસ્થાઓ દ્વારા જરૂરીયાતમંદ પરીવારો જીવન જરૂરીયાત ચીજવસ્તુઓના કિટ્સનું વિતરણ કરવામાં આવી રહ્યુ છે.

એ ૨૦૦ પરિવારોને શાકભાજીની કીટ વિતરણ કરી

આ ઉપરાંત ગ્રામ્ય વિસ્તારમાં પણ સ્વચ્છતા પર ભાર મુકાઇ રહ્યો છે ત્યારે જામળા ગામના મહેન્દ્રસિંહ રાઠોડેના સ્વખર્ચે ગામમાં દવાના છંટકાવ માટેના ફોગીગ મશીનને કલેકટરના હસ્તે ગામના સરપંચને અર્પણ કરાવ્યું હતું.

જોકે વિવિધ સહાયની વચ્ચે હજુ પણ સાબરકાંઠા જિલ્લામાં કેટલાક લોકો વિવિધ સહાયની રાહ જોઈ રહ્યા છે, ત્યારે આગામી સમયમાં આવા લોકોને સહાય પ્રાપ્ત થાય તે જરૂરી છે.