- સાબરકાંઠામાં કોરોના બ્લાસ્ટ
- 32 વ્યક્તિઓને કોરોના પોઝિટિવ
- તમામને સિવિલ હોસ્પિટલ કરાય દાખલ
- તંત્ર દ્વારા ઠોસ પગલાની જરૂરિયાત
સાબરકાંઠા: સ્થાનિક સ્વરાજની ચૂંટણી બાદ જાણે કે કોરોના પોઝિટિવનો બ્લાસ્ટ થયો હોય તેમ સાબરકાંઠા જિલ્લામાં છેલ્લા કેટલાક સમયથી દિનપ્રતિદિન વધી રહેલા કોરોના દર્દીઓ થકી હવે સિવિલ હોસ્પિટલ ઉભરાઇ રહી છે. સાબરકાંઠા જિલ્લાની મુખ્ય સિવિલ હોસ્પિટલમાં 32 જેટલા દર્દીઓ દાખલ કરવામાં આવ્યા છે. જે પૈકી 12 દર્દીઓને સ્થિતિ ગંભીર હોવાના પગલે વેન્ટિલેટર પર રાખવામાં આવ્યા છે. જો કે, સ્થાનિક સ્વરાજની ચૂંટણી અંતર્ગત યોજાયેલી ભીડના પગલે કોરોના વધતો હોય તેમ હવે આગામી સમયમાં છેવાડાના વ્યકતિને ભોગવવાનું આવે તેવી સ્થિતિ સર્જાઈ છે.
આ પણ વાંચોઃ અમદાવાદમાં માઇક્રો કન્ટેન્ટમેન્ટ ઝોનમાં વધારો
મેડિકલ યુનિટના 2 ડૉક્ટર્સનો કોરોના રિપોર્ટ પોઝિટિવ
સમગ્ર ઉત્તર ગુજરાતમાં કોરોના મહામારીમાં સાબરકાંઠા જિલ્લામાં કોરોનાની વધતો રોકવામાં સફળતા મળી હતી. તેમજ કેટલાક અંશે કોરોના પોઝિટિવ વધતી મહામારી સામે ટોસ પગલાં પણ લેવાયાં હતા. સ્થાનિક સ્વરાજની ચૂંટણી બાદ ગુજરાત સાબરકાંઠા જિલ્લામાં પણ કોરોના પોઝિટિવ દર્દીઓની સંખ્યા વધતી જઈ રહી છે. જે અંતર્ગત મેડિકલ કૉલેજમાં અભ્યાસ કરનારા 2 વિધાર્થીઓ સહિત મેડિકલ યુનિટના 2 ડૉક્ટર્સનો કોરોના રિપોર્ટ પણ પોઝિટિવ આવતાં સમગ્ર જિલ્લામાં ખળભળાટ મચ્યો છે.
2 વિદ્યાર્થી કોરોના પોઝિટિવ
સાબરકાંઠા જિલ્લામાં ગત કેટલાક સમયથી વધતી જતી કોરોના મહામારી હવે પૂર્ણ કક્ષાએ દેખાઈ રહી હોય તેવો ઘાટ સર્જાયો છે. સાબરકાંઠાની મુખ્ય સિવિલ હોસ્પિટલના મેડિસિન વિભાગમાં ફરજ બજાવતા 2 ડૉક્ટર્સ સહિત 2 વિદ્યાર્થીઓને કોરોના પોઝિટિવ આવતા સમગ્ર પરિસરમાં ખળભળાટ સર્જાય છે. જો કે, સાબરકાંઠા જિલ્લા સિવિલ હોસ્પિટલમાં 32 જેટલા દર્દીઓ હાલમાં દાખલ છે. જે પૈકી 12 વ્યક્તિઓની સ્થિતિ કથળી છે.
આ પણ વાંચોઃ રાજ્યમાં છેલ્લા 24 કલાકમાં કોરોનાના 1276 નવા કેસો નોંધાયા
મેડિકલના વિદ્યાર્થીઓનું ઓફલાઈન શિક્ષણ બંધ કરાયું
સાબરકાંઠા જિલ્લાની સિવિલ હોસ્પિટલમાં ચાલતા મેડિકલ હૉસ્પિટલના 2 ડૉક્ટર્સ અને વિદ્યાર્થીનો કોરોના રિપોર્ટ પોઝિટિવ આવતાં ઓફલાઈન શિક્ષણ બંધ કરવામાં આવ્યું છે. તેમજ ઓનલાઇન શિક્ષણ માટે લેખિત રજૂઆત કરવામાં આવી છે. જો કે, દિન પ્રતિદિન વધતા જતા કોરોના સંક્રમણને રોકવા માટે તંત્ર દ્વારા ઓનલાઇન શિક્ષણ શરૂ થાય તે સમયની માગ છે.
