અમદાવાદ : આજે 25 ફેબ્રુઆરી, મંગળવારના રોજ ચંદ્ર ધન રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી નવમ ભાવમાં રહેશે. આપના કોઇ કાર્ય કે પ્રોજેક્ટને સરકાર તરફથી ફાયદો થઇ શકે. ઓફિસમાં ઉચ્ચ અધિકારીઓ સાથે મહત્વની બાબતો પર ચર્ચા થઇ શકે છે. ઓફિસના કામથી પ્રવાસ થઇ શકે. આપ વધારે પડતા કામમાં વ્યસ્ત રહેશો. કૌટુંબિક બાબતોમાં રસ લઇને પરિવારજનો સાથે ચર્ચા વિચારણા કરશો. ઘરના સુશોભન માટે વિચારશો. માતા સાથેનો સંબંધ વધુ ગાઢ બનશે.
વૃષભ: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી અષ્ટમ ભાવમાં રહેશે. વિદેશ જવા માંગતા હોય તેમના માટે વધુ તકો ઉભી થશે. વિદેશમાં વસતા મિત્રો અને સગા-સંબંધીઓ પાસેથી સારા સમાચાર મેળવી શકશો. વેપાર-ધંધામાં પણ આર્થિક લાભ થઇ શકશે. આપ નવા કાર્યો અને નવા આયોજનો હાથ ધરો તેવી શક્યતા છે. આપ લાંબો પ્રવાસ કરો તેવા યોગ જણાઇ રહ્યા છે. કોઇ ધાર્મિક સ્થળની મુલાકાત લેશો. આધ્યાત્મિક ક્ષેત્રે પ્રગતિ થઇ શકશે. આપના સંતાનોની પણ પ્રગતિ થઇ શકશે. આપે આપના આરોગ્યની સંભાળ રાખવી પડશે.
મિથુન: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી સપ્તમ ભાવમાં રહેશે. આજના દિવસે દરેક રીતે ચેતીને ચાલવાની સલાહ આપવામાં આવે છે. આજે કોઇપણ નવા કાર્યની શરૂઆત ટાળવાની સલાહ છે. આપના મનમાં ક્રોધની લાગણી હોય તો દૂર કરીને શાંતિથી કામ લેવું. બીમાર વ્યક્તિએ નવી દવાની શરૂઆત કે ઓપરેશન આજે ટાળવાની સલાહ છે. ખર્ચને પહોંચી વળવા માટે અગાઉથી તૈયારી રાખવી. ઘરમાં કે ઓફિસમાં વાણી પર સંયમ રાખવાથી ઝગડો કે વિવાદ ટાળી શકાશે. ઇશ્વર આરાધનાથી શાંતિ મળે.
કર્ક: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી ષષ્ટમ ભાવમાં રહેશે. આજનો દિવસ સામાજિક અને વ્યાવસાયિક ક્ષેત્રે આપના માટે લાભદાયી પુરવાર થશે. મોજશોખના સાધનો ઉત્તમ વસ્ત્રાભૂષણ અને વાહનની ખરીદી કરશો. મોજમજા અને મનોરંજનની પ્રવૃત્તિઓમાં સમય પસાર થાય આ સાથે જ વિજાતીય વ્યક્તિ સાથેની રોમાંચિત મુલાકાતથી સુખ અનુભવશો. દાંપત્યજીવનમાં ઉત્કટ પ્રેમની અનુભૂતિ થાય. ભાગીદારીમાં લાભ થાય. પર્યટનની પણ શક્યતા છે.
સિંહ: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી પંચમ ભાવમાં રહેશે. આજનો દિવસ મિશ્રફળદાયી પસાર થાય તેવા સંજોગો બની રહ્યા છે. ઘરમાં શાંતિનું વાતાવરણ હોય. નોકરીના ક્ષેત્રે સહકાર્યકરોનો સહકાર મળે. રોજિંદા કામો સારી રીતે પાર પડે. શત્રુઓ અને હરીફોનો પરાજય થાય. નોકરીમાં ઉચ્ચ હોદ્દેદારો સાથે વાદવિવાદ ટાળવો. મોસાળ પક્ષ તરફથી કોઇ સમાચાર આવે. ઉદાસીનવૃત્તિ અને શંકાની ભાવના આજે તમારામાં રહે આરોગ્ય સામાન્ય રહે. વધુ મહેનતે ઓછું ફળ મળે.
કન્યા: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી ચતુર્થ ભાવમાં રહેશે. આજે આપને સંતાનોની બાબતોમાં થોડી દોડધામ રહેશે. મનમાં ચિંતા ઉદ્વેગની શક્યતા હોવાથી મેડિટેશન કરવું. અજીર્ણ વગેરે પેટની ફરિયાદો રહે. વિદ્યાભ્યાસમાં મહેનત વધારવાની સલાહ છે. આકસ્મિક ધનખર્ચને પહોંચી વળવા માટે પૂર્વતૈયારી રાખવી. વાટાઘાટો કે બૌદ્ધિક ચર્ચાથી દૂર રહેવું. પ્રેમીજનો સાથે મિલાપ થાય. સ્ત્રી મિત્રો સાથે મિલન-મુલાકાત થાય. શેરસટ્ટાથી સાવધાન રહેવું.
તુલા: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી તૃતીય ભાવમાં રહેશે. આજના દિવસે વિચારોની ભરમાર આપને માનસિક રીતે થોડા ગુંચવવાનો પ્રયાસ કરશે માટે તમારી વિચારશૈલીમાં સ્પષ્ટતા લાવવાનો પ્રયાસ કરજો. માતા અને સ્ત્રીવર્ગ સંબંધી બાબતોમાં વધુ ધ્યાન આપવું પડશે. મુસાફરી આજના દિવસે મુલતવી રાખવી. સમયસર ભોજન લેવું અને પૂરતી ઊંઘ લેવી જેથી શરીરમાં સ્વસ્થતા જળવાઈ રહે. કૌટુંબિક મિલકતની બાબતમાં સાવધાનીપૂર્વક કામ લેવું હિતાવહ છે.
વૃશ્ચિક: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી દ્વિતિય ભાવમાં રહેશે. આજે સમગ્ર દિવસ દરમ્યાન આપ ચિત્તની પ્રસન્નતાનો અનુભવ કરશો. નવા કાર્યનો શુભારંભ કરી શકશો. સહોદરોથી સુખ અને આનંદની પ્રાપ્તિ થાય. મિત્રો સ્વજનો સાથે મુલાકાત થાય. કોઇપણ કાર્યમાં સફળતા મળશે. આર્થિક લાભ અને ભાગ્યવૃદ્ધિના યોગ છે. ભાઇબહેનથી લાભ થાય. પ્રતિસ્પર્ધીઓ સામે વિજય મળે. સ્નેહાળ સંબંધો બંધાય. પ્રિયતમાનું સાનિધ્ય સાંપડે. ટૂંકી મુસાફરી થવાના પણ સંજોગ છે.
ધન: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી પ્રથમ ભાવમાં રહેશે. પરિવારજનો સાથે ગેરસમજ થતી ટાળવાનું સૂચન છે. અર્થહિન ધનખર્ચના કારણે આર્થિક ખેંચમાં ના આવી જાવ તેનું પણ ધ્યાન રાખવું. માનસિક રીતે અસમંજસપૂર્ણ સ્થિતિ રહેવાથી મહત્વના નિર્ણયો નહીં લઇ શકો. કાર્યોમાં ધાર્યા મુજબ સફળતા માટે મહેનત વધારવી પડશે અને કામના કલાકો પણ વધારવા પડશે. દૂરના સ્થળે સંદેશાવ્યવહાર થાય અને તે લાભકારક હોય.
મકર: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી દ્વાદશ ભાવમાં રહેશે. આજે આપનું દરેક કાર્ય સરળતાથી પાર પડે. ઓફિસમાં અને વ્યવસાયમાં આપનું વર્ચસ્વ વધે. ઉપરી અધિકારીઓ આપના કામથી ખુશ રહે. નોકરીમાં બઢતી મળવાની પણ શક્યતા છે. ગૃહસ્થજીવનમાં આનંદનું વાતાવરણ રહે. આજે દેહપીડા થવાની સંભાવના હોવાથી પડવા- વાગવાથી સંભાળવું. મિત્રો સ્નેહીઓ સાથે મુલાકાત થાય. ઇશ્વરનું નામ સ્મરણ, પાઠપૂજન વગેરેમાં સવારનો સમય પસાર થાય. માનસિક શાંતિ રહે.
કુંભ: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી એકાદશ ભાવમાં રહેશે. આજે કોઇના જામીન ન થવાની તેમજ કોઇ સાથે પૈસાની લેવડદેવડ ન કરવાની સલાહ આપવામાં આવે છે. માનસિક એકાગ્રતા ઓછી રહે. ખર્ચનું પ્રમાણ વધારે રહે. સ્વાસ્થ્યની બાબતમાં ધ્યાન રાખવું. મૂડીરોકાણ ખોટી જગ્યાએ ન થાય તેનું ધ્યાન રાખવું. સ્વજનો આપની વાતમાં સંમત ન થાય તેવું બને. પારકી પંચાતમાં ધરમ કરતા ધાડ પડી જેવો ઘાટ ન સર્જાય તે જોવું. ગેરસમજ, અકસ્માતથી બચતા રહેવું. ક્રોધ કાબૂમાં રાખવો.
મીન: ચંદ્ર આજે ધન રાશિમાં ભ્રમણ કરશે. આપના માટે ચંદ્રની સ્થિતિ આપની રાશિથી દશમ ભાવમાં રહેશે. આજે આપને મિત્રોથી વિશેષ લાભ થાય અને મિત્રો પાછળ ખર્ચ પણ થાય. સામાજિક કાર્યોમાં વધારે અભિરૂચિ રહે. વડીલ વ્યક્તિઓ તેમજ મિત્રો સાથે સંપર્ક વ્યવહાર કરવાનું થાય. રમણીય સ્થળે પ્રવાસનું આયોજન કરી શકશો. નવા મિત્રો બને અથવા તેમનો સંપર્ક થાય. જે ભવિષ્યમાં આપના માટે લાભદાયક સાબિત થાય. ઘરમાંથી શુભ સમાચાર મળે. સંતતિથી સારો લાભ થાય. આકસ્મિક ધનલાભનો યોગ છે. દૂર વસતા સ્નેહીઓના સમાચાર જાણવા મળે.
