રંગીલા રાજકોટમાં વાહનચોરો બેફામ બન્યા છે ત્યારે રાજકોટના પટેલનગર વિસ્તારમાંથી પાંચથી છ દિવસ પહેલા અજાણ્યા ઈસમો દ્વારા મોટરસાયકલની ઉઠાંતરી કરવામાં આવી હતી. જે અંગેની ફરિયાદ રાજકોટના ભક્તિનગર પોલીસ મથકમાં નોંધવાઈ હતી. જેને લઈને સોમવારના રોજ રાજકોટ ક્રાઇમબ્રાન્ચે બે ઇસમોને જામનગર પરથી ચોરાઉ મોટરસાયકલ સાથે ઝડપી પાડ્યા હતા.
જેની પ્રાથમિક પૂછપરછ સામે આવ્યું હતું કે, તેમના દ્વારા પટેલનગરમાંથી આ મોટરસાયકલની ઉઠાંતરી કરાઈ હતી. ઉલ્લેખનીય છે કે, ચોરાઉ મોટરસાયકલ સાથે ઝડપાયેલા ઇસમમાંથી રહેમાન નામના આરોપી અગાઉ પણ ચોરીના ગુનામાં પોલીસ ચોપડે ચડી ચુક્યો છે.
