રાજકોટની મધ્યસ્થ જેલના 157 કેદીને કોરોના વેકસીનનો પ્રથમ ડોઝ આપાયો

સમગ્ર દેશમાં કોરોનાના કેસ વધતા જોવા મળી રહ્યા છે ત્યારે વિવિધ રાજ્યોમાં કોરોનાની ગાઇડલાઇનનું ચુસ્તપણે પાલન કરવામાં આવી રહ્યું છે. કોરોના ગાઇડલાઇનની સાથે વેક્સીનેશનનો કાર્યક્રમ પણ યોજાયો જોવા મળી રહ્યો છે. જેમાં રાજકોટની મધ્યસ્થ જેલના 157 જેટલા કેદીઓને કોરોના વેક્સીનનો પ્રથમ ડોઝ આપવામાં આવ્યો હતો.

• સરકારી ગાઇડલાઇન અંતર્ગત કોરોના વેક્સીન અપાઇ
• વેક્સીન બાદ 30 મીનીટ સુધી કેદીઓને ઓબર્ઝવેશનમાં રખાયા
• મધ્યસ્થ જેલના 157 કેદીઓને વેક્સીનનો પ્રથમ ડોઝ અપાયો

રાજકોટઃ સમગ્ર ગુજરાતમાં કોરોનાનું સંક્રમણ વધતા જતા રાજકોટ મધ્યસ્થ જેલમાં રહેલા 157 કેદીને કોરોના વેકશીન આપવામાં આવી ૪૫ વર્ષ કે તેથી વધુ ઉમરનો પાકા કામના કેદી-૭૯ તથા કાચા કામના કેદી-52, તેમજ પાસા અટકાયતી 1 પુરુષ તેમજ 25 સ્ત્રી મળી કુલ 157બંધીવાન ભાઇઓ તથા બહેનોને સરકારની ગાઇડલાઇન મુજબ કોરોના વેક્સીનનો પ્રથમ ડૉઝ આપવામાં આવ્યો હતો. રસીકરણ કાર્યક્રમ સફળ બનાવવા જેલ અધિક્ષક બન્નો જોષી તથા નાયબ અધિક્ષક આર.ડી.દેસાઇ તથા સીનીયર જેલર એમ જી.રબારીએ જહેમત ઉઠાવેલ હતી.

રાજકોટ મધ્યસ્થ જેલના 157 કેદીને કોરોના વેક્સિન અપાઇ

આ પણ વાંચોઃ મુરાદાબાદ ડિસ્ટ્રિક્ટ જેલના 5 કેદીઓને કોરોના પોઝિટિવ

વેક્સીન લીધેલા કેદીઓને ૩૦ ત્રીસ મીનીટ સુધી મેડીકલ ઓફીસરના ઓબર્ઝવેશન હેઠળ રાખવામાં આવ્યા

રાજકોટ મ્યુનિસીપલ કોર્પોરેશનના આરોગ્ય શાખાના નોડલ અધિકારી ડૉ વાંજાનાઓના સહયોગથી તેમજ ડૉ.ભાવેશ જાકાસણીયા તથા તેમની ટીમ દ્વારા આપવામાં આવેલામધ્ આ રસીકરણ કાર્યક્રમ દરમ્યાન નક્કી કરવામાં આવેલ ગાઇડલાઇનનો ચુસ્તપણે પાલન કરવામાં આવેલ વેક્સીન લીધેલ તમામ કેદી ઓને વેક્સીન લીધા બાદ ૩૦ ત્રીસ મીનીટ સુધી જેલના મેડીકલ ઓફીસરના ઓક્ઝર્વેશન હેઠળ રાખવામાં આવેલ આ રસીકરણમાં હાલના તબક્કે એક પણ બંધીવાનને કોઇ આડ અસર જણાઇ આવેલ નથી અને આ રસીકરણનો કાર્યક્રમ સંપૂર્ણપણે સફળ રહેલ છે

આ પણ વાંચોઃ જયપુર સેન્ટ્રલ જેલમાં 69 કેદીઓનો કોરોના રિપોર્ટ પોઝિટિવ આવ્યો