ગોંડલમાં ભોજરાજપરા વિસ્તારમાં રહેતા અને હીરો કંપનીનું ડ્યુટ મોટરસાયકલ ધરાવતા હેતલબેન હસમુખભાઈ બાલધા ક્યારેય પણ એક્ટિવા લઈ રાજકોટ શહેરમાં ફર્યા નથી. તેમ છતાં પણ રાજકોટ ટ્રાફિક પોલીસ દ્વારા રૂપિયા 1000 નો મેમો ફટકારાતા આશ્ચર્યચકિત થઈ ગયા હતા.
આ અંગે હેતલબેનના પતિ હસમુખભાઈ દ્વારા રાજકોટ ટ્રાફિક પોલીસને ટેલીફોનિક ફરિયાદ કરાતા ટ્રાફિક કંટ્રોલ દ્વારા ભૂલ થયાનું સ્વીકારાયુ હતું. આ ઉપરાંત દંડનો મેમો ફાડી નાખવાનું જણાવતા રમૂજી પ્રસરી હતી. તેમજ ટ્રાફિક કંટ્રોલર દ્વારા મૂળ માલિકને મેમો આપી દેવાશે તેવો લૂલો બચાવ કરવામાં આવ્યો હતો. હાલ તો મહિલાના નામે રૂપિયા 1000નો દંડ બાકી બોલી રહ્યો છે. આ અંગેની વાતચીતની ઓડિયો ક્લિપ પણ વાઇરલ થઈ હતી.
