રાજકોટમાં લોકસભા બેઠક માટેની ચૂંટણી કામગીરી 11,000 કરતા વધારે અધિકારી અને કર્મચારીઓ રોકાયેલા છે. જેને લઈને આ કર્મચારીઓ લોકશાહીના પર્વમાં મતદાન કરવાનું બાકી ન રહી જાય તે માટે ચૂંટણી તંત્ર દ્વારા આજે તેમની તાલીમ સાથે મતદાનની પ્રક્રિયા હાથ ધરી હતી.
રાજકોટમાં ચૂંટણી ફરજ બજાવતા કર્મચારીઓએ મતદાનના કર્યા "શ્રી ગણેશ"
જેમાં 262 જેટલા કર્મચારીઓએ પોસ્ટલ બેલેટથી મતદાન કરી પોતાની ફરજ નિભાવી હતી. આ સાથે જ રાજકોટ 10 લોકસભા બેઠક પર ફરજ બજાવનાર કર્મચારીઓ અને અધિકારીઓની તાલીમ પણ યોજવામાં આવી હતી. આ સમગ્ર કાર્યક્રમ રાજકોટની વિરાણી હાઇસ્કુલ ખાતે યોજવામાં આવ્યો હતો.
