કોટડાસાંગાણીના આધેડમાં બ્રુસેલા તાવનાં દેખાયા લક્ષણ, આરોગ્ય તંત્ર થયું દોડતું

રાજકોટઃ જીલ્લાના કોટડાસાંગાણીના સોળીયા ગામના એકાવન વર્ષીય વૃધ્ધને પશુમાં જોવા મળતો બ્રુશેલા તાવના લક્ષણ જોવા મળ્યા છે. જેની જાણ થતાં તંત્ર દોડતુ થયું છે. આરોગ્ય વિભાગ ગામમાં સર્વે શરુ કર્યો છે.

રાજકોટ જીલ્લામાં જાનવરોમાં જોવા મળતો બ્રુશેલા તાવે માથુ ઉંચક્યુ છે. બે દિવસ પુર્વે ગોંડલના હડમતાળામા ચાર વર્ષની બાળકી બ્રુશેલા તાવની ઝપેટમાં આવી છે. તેનો મેડિકલ રિપોર્ટ પણ પોઝિટિવ આવ્યો હતો. હવે કોટડાસાંગાણીના સોળીયા ગામના 51 વર્ષીય વાલજીભાઈ હરજીભાઈ સોરઠિયાને બ્રુશેલા તાવનો રીપોર્ટ પોઝીટીવ આવતા ગામમા ચીંતાનુ મોજુ ફરી વળ્યુ છે.

નાના એવા ગામમા આ રોગ સામે આવતા ગામ લોકોના જીવ તાળવે ચોંટ્યા છે. બ્રુશેલાના કારણે આરોગ્ય અને પશુપાલન વિભાગ દોડતું થયુ છે. ગામમા સર્વે કરીને જરુરીયાત મંદ લોકોને અને પશુઓને દવા પુરી પડાઈ રહી છે. રાજકોટ જીલ્લામા ત્રણ દિવસમા પશુ રોગ બ્રુશેલાના બે કેસ મનુષ્યમાં પોઝિટિવ આવતા ગામ લોકોમા ફફડાટ ફેલાયો છે.