પોરબંદરની સરકારી હોસ્પિટલમાં દર્દીના પરિવારજનના રોકડની ચોરી કરી ચોર ફરાર

પોરબંદર: સરકારી હોસ્પિટલમાં સારવાર માટે આવેલા દર્દીની નાણાકીય સ્થિતી સારી હોતી નથી. તેમાં વધુ સરકારી હોસ્પિટલમાં ચોરીના કિસ્સા સાંભળવા મળે છે. ત્યારે તાજેતરમાં પોરબંદરની સરકારી હોસ્પિટલમાં 30,000ની ચોરી થઇ હતી. ફરિયાદીના આધારે પોલીસે તપાસ હાથ ધરી છે.

મળતી માહિતી અનુસાર, રાણાવાવમાં આશાપુરા મંદિર પાછળ રહેતા શ્યામપ્રસાદ લાભશંકર વ્યાસે ફરિયાદ નોંધાવી હતી. તેમના પિતાજી ભાવસિંહજી સરકારી હોસ્પિટલમાં દાખલ કર્યા હતા. બાજુના બેડમાં આરામ કરતાં તેમણે પોતાનો રેડમી A6 મોબાઇલ કિંમત રુપિયા 5000નો બેડની બાજુના ટુલ્સ પર રાખેલ થેલીમાં મોબાઇલ મુક્યો હતો. તેમજ ઓશીકા નીચે રાખેલ પાકીટમાંથી રોકડા રુપિયા 25,000ની એમ કુલ રુપિયા 30,000 માલ મત્તાની ચોર ચોરી કરીને ફરાર થઇ ગયો હતો. ત્યારે હૉસ્પિટલમાં CCTV કેમેરાના ફુટેજ મેળવવા પોલીસે પ્રયત્નો કર્યા હતા. વધુ તપાસ પોલીસે હાથ ધરી છે.