પોરબંદરઃ જિલ્લામાં આવેલા બરડા અભ્યારણના એક નેસ ખાતે વધુ એક ફોરેસ્ટ ગાર્ડ દ્વારા રોજમદાર મજૂર તરીકે કામ કરતી પરણિતા પર દુષ્કર્મ આચર્યું હોવાની ફરિયાદ રાણાવાવ પોલીસ સ્ટેશન મથકે નોંધાઈ છે. હાલ પોલીસે ફારેસ્ટ ગાર્ડને પકડવા તજવીજ હાથ ધરી છે.
પોરબંદર જિલ્લાના રાણાવાવ પોલીસ મથકે શુક્રવારના રોજ દેવભૂમિ દ્વારકાના ભાણવડ પાસે બરડામાં આવેલા એક નેસમાં રહેતી અને વન વિભાગમાં મજૂરી કરતી મહિલાએ ફરિયાદ નોંધાવી હતી કે, બરડા અભ્યારણના નેસમાં આવેલા ફોરેસ્ટ ગેસ્ટ હાઉસમાં સાગર આહીર નામના ફોરેસ્ટ ગાર્ડે અવાર નવાર તેની સાથે એકલતાનો લાભ લઇ દુષ્કર્મ આચર્યું હતું.
સાથે જ સાગરે ધમકી આપી હતી કે, જો આ વાત કોઈને કરીશ તો તને તથા તારા બાળકોને જાનથી મારી નાખીશ. આ વાત પરણીતાએ ડરના કારણે કોઈને જણાવી ન હતી. શનિવારના રોજ તેના પતિને વાત કરતા પરણિતા અને તેના પતિએ સાગર આહીર વિરુદ્ધ ફરિયાદ નોંધાવી હતી.
