અર્બન,પ્રાયમરી અને કોમ્યુનિટી હેલ્થ સેન્ટરોમાં પાંચથી વધુ કોરોના ટેસ્ટ કરવાની રામદેવ મોઢવાડિયાએ માંગ કરી

રાજ્યામાં કોરોનાના વ્યાપ વધી રહ્યો છે એવામાં પોરબંદરના અર્બન,પ્રાયમરી અને કોમ્યુનિટી હેલ્થ સેન્ટરોમાં પાંચથી વધુ કોરોના ટેસ્ટ કરવામાં આવતા નથી, તેવા આક્ષેપો કોંગ્રેસ સમિતિના પ્રધાન રામદેવ મોઢવાડિયાએ તંત્ર પર લગાવ્યા હતા સાથે ખાનગી હોસ્પિટલને સરકારી કોવિડ સેન્ટરમાં બદલવા માગ કરી છે.

• હોસ્પિટલમાં ઓછા ઓક્સિજન લેવલ વાળા દર્દીઓની મોટી લાઇન
• પોરબંદરના તબીબોનું ડેપ્યુટેશન બંધ કરવા માંગ કરી
• નવી ખાનગી હોસ્પિટલોને કોવિડમાં સરકાર રૂપાંતરિત કરે તેવી માંગ

પોરબંદર: ગુજરાતભરમાં કોરોનાના કેસ વધી રહ્યા છે, ત્યારે પોરબંદરમાં પણ કોરોનાના કેસ વધે છે પરંતુ સરકારે એકાએક અર્બન હેલ્થ સેન્ટર પ્રાયમરી હેલ્થ સેન્ટર અને કોમ્યુનિટી હેલ્થ સેન્ટરમાં પાંચ કરતાં વધારે દર્દીઓના આર્ટીફીસીયલ ટેસ્ટ ન કરવાની સૂચના આપી છે, જેના કારણે આવનારા દિવસમાં પોરબંદર જિલ્લામાં સંક્રમિત દર્દીઓની સંખ્યામાં ઝડપથી વધારો થઈ શકે છે તેવા હોવાનો આક્ષેપ કોંગ્રેસ સમિતિના પ્રધાન રામદેવ મોઢવાડિયાએ કર્યા છે.

દર્દીઓ ઓક્સિજન બેડની રાહ જોઈને બેઠા

ગુજરાત પ્રદેશ કોંગ્રેસ સમિતિના મંત્રી રામદેવ મોઢવાડિયાએ એક પ્રેસ કોન્ફરન્સ યોજી હતી અને તેમાં જણાવ્યું હતું કે સરકારે એકાએક અર્બન હેલ્થ સેન્ટર પ્રાયમરી હેલ્થ સેન્ટરો અને કોમ્યુનિટી સેન્ટરમાં પાંચ કરતાં વધારે દર્દીઓને આર્ટિફિશિયલ ટેસ્ટ ન કરવાની સૂચના આપી છે ત્યારે તેમાં સંક્રમણ વધી કરી શકે તેમ છે આ ઉપરાંત સરકારી તથા સરકાર માન્ય તમામ ખાનગી સેન્ટરો ફુલ થઇ ગયા છે. ઘણા દર્દીઓના હોસ્પિટલમાં ઓક્સિજન લેવલ ખૂબ જ ઓછા છે અને આવા દર્દીઓ ઓક્સિજન બેડની રાહ જોઈને બેઠા છે.

ઓક્સિજન ટેન્કના રેગ્યુલેટરની અછત

ઓક્સિજન બેડ બાબતે મોઢવાડિયાએ સિવિલ સર્જન ડોક્ટર પરમાર સાથે તેઓ એ વાત કરી હતી અને સિવિલ સર્જન એ જણાવ્યું હતું કે અમારી પાસે ઓક્સિજન છે, પરંતુ રેગ્યુલેટર નથી અઠવાડિયા પહેલા 200 રેગ્યુલેટર ઓર્ડર કર્યા હતા, પરંતુ અત્યારે માત્ર 50 જ આવ્યા છે. દર્દીઓને દાખલ કરી શકીએ તેમ નથી. તે ઉપરાંત રામદેવભાઇ મોઢવાડિયાએ નવી ખાનગી હોસ્પિટલોને કોવિડ સેન્ટરમાં રૂપાંતર કરીને તેમનો ખર્ચ સરકાર ભોગવે તેવી રજૂઆત પણ કરી હતી.