વડોદરામાં ભારે વરસાદના કારણે પોરબંદર-મુંબઈ ટ્રેન રદ્દ કરાઇ

પોરબંદર: વડોદરામાં ભારે વરસાદના કારણે રેલવે ટ્રેક પર પાણી ભરાઈ જતા પોરબંદરથી મુંબઇ જતી ટ્રેન રદ્દ કરવામાં આવી છે.આ ટ્રેનો રદ્દ થતા મુસાફરોને મુશ્કેલી પડી રહી છે.

વડોદરામાં ભારે વરસાદના કારણે રેલવે ટ્રેક પર પાણી ભરાઈ જતા વોટર લોગિંગની સમસ્યાથી રાત્રે 09.05 કલાકે પોરબંદરથી મુંબઇ જતી 19016 નંમ્બરની ટ્રેન રદ્દ કરવામાં આવી હતી. જેથી મુસાફરો રઝળી પડયા હતા. ત્યારે આ અંગે મુસાફરોએ જણાવ્યું હતું કે, રેલવે તંત્ર દ્વારા અન્ય કોઈ વ્યવસ્થા કરવામાં નથી આવી.વડોદરામાં સમસ્યા હોય તો અમદાવાદ સુધી જતા મુસાફરોને ભારે હાલાકી ભોગવવી પડી રહી છે. પોરબંદરના કેન્સર પેશન્ટ મહીલાના પુત્ર એ છેલ્લા 8 મહિનાથી અમદાવાદ ટ્રીટમેન્ટ કરાવવા જાય છે. તેઓ પણ આજ ટ્રેનમાં રજીસ્ટ્રેશન કરાવ્યું હતું. પંરતુ દર્દીઓને જે તે હોસ્પિટલમાંથી તારીખનું કાર્ડ આપવામાં આવ્યું હોય છે જે 105 રૂપિયાની ટિકિટના ટ્રેન રદ તથા હવે 350 રૂપિયા આપવા પડશે તેમ જણાવ્યું હતુ.