પોરબંદરમાં EVM/VVPATનું સેકન્ડ રેડમાઇઝેશન કરાયુ

પોરબંદરઃ જિલ્લા સેવા સદન ખાતે મંગળવારે પોરબંદર લોકસભા માટે ચૂંટણીપંચ દ્વારા નિયુક્ત ઓબઝર્વર યુ.સગમય, હરિફ ઉમેદવારો અને જિલ્લા ચૂંટણી અધિકારી મુકેશ પંડ્યાની ઉપસ્થિતીમાં સેકન્ડ રેન્ડમાઇઝેશનની પ્રક્રિયા પૂર્ણ કરવામાં આવી હતી.

આ પ્રક્રિયા સંપૂર્ણ કોમ્પ્યુટરાઇઝ પધ્ધતીથી રેન્ડમાઇઝેશન કરવામાં આવે છે. રેન્ડમાઇઝેશન બાદ ૧૧-પોરબંદર લોકસભા બેઠકનાં ૧૮૫૪ મતદાન મથક પર ૨૨૪૫ કન્ટ્રોલ યુનીટ (CU) ૨૩૭૮ VVPAT અને ૪૧૮૮ BU નો સમાવેશ થાય છે. ૧૮૫૪ મતદાન મથક માટે પ્રત્યેક મતદાન મથકમાં એક કન્ટ્રોલ યુનીટ (CU)એક VVPAT- અને ૨(બે) BU ફાળવવામાં આવ્યા છે. બાકીના જરૂરી કંન્ટ્રોલ યુનીટ VVPAT-BU રીઝર્વ રાખવામા આવશે. જેનો જરૂર પડયે તાત્કાલીક ઉપયોગ કરી શકાય. રેન્ડમાઇઝેશન કામગીરીમાં નાયબ જિલ્લા ચૂંટણી અધિકારી કે.જી.ચૌધરી પ્રાંત અધિકારીશ્રી કે.વી. બાટી,મામલતદાર પટેલ, નાયબ મામલતદાર વિપુલ પુરોહીત,નીલેશ મહેતા સહભાગી થયા હતા.

વિધાનસભા મુજબ ફાળવવામાં આવેલ EVM-VVPATની વિગતો નીચે મુજબ છે.

વિધાનસભા વિસ્તાર	મતદાન મથક	CU	VVPAT	BU
૭૩-ગોંડલ	236	277	286	531
૭૪-જેતપુર	305	357	370	685
૭૫-ધોરાજી	271	318	328	609
૮૫-માણાવદર	286	361	392	690
૮૮-કેશોદ	265	371	393	593
૮૩-પોરબંદર	254	290	315	558
૮૪-કુતીયાણા	237	271	294	522
કુલ	1854	2245	2378	4188

અત્રે ઉલ્લેખનીય છે કે, ૧૭ હરિફઉમેદવારો હોય એક મતદાન મથક ઉપર ૨ BU મુકાશે.